भांगरभूंय | प्रतिनिधी
भांगरभूंय । प्रतिनिधी
मुरगांवः हेडलँड सडा हांगच्या रोझ सर्कल स्टेडियमांतल्या शौचालयांतल्या बुरशेपणाक लागून थंय सराव करपाक येवपी खेळगड्यांचे भलायकेचेर परिणाम जावपाची शक्यताय आशिल्ल्यान गोंय फर्स्ट ह्या एनजीओन देखभाल कर्मचारी आनी हावस किपींग कर्मचाऱ्यां आड गोंय खेळां प्राधिकरणाच्या संचालया कडेन तशेंच भलायकी खात्या कडेन कागाळ केल्या.
ह्या स्टेडियमाचें हालींच नूतनीकरण केल्यां. थंय ल्हान भुरगी तरणाटे तशेंच दादले आनी बायलो योगा, कराटे, बँडमिंटनाचो सराव करपाक येतात. शौचालयांतल्या बुरेशपणाक तांकां तोंड दिवचें पडटा. शौचालय नितळ दवोरपा कडेन हावस किपींग कर्मचारी आडनदर करतात असो गोंय फर्स्टाचो आरोप आसा. कर्मचाऱ्यांक विचारल्यार ते शाणपणा सांगतात. तांच्या आड कागाळ करून पंदरा दीस जाले तरी अधिकारी तिची दखल घेनात. ताका लागून खेळां प्राधिकरण आनी भलायकी खात्यांत कागाळ करची पडली अशें गोंय फर्स्टाच्या जाळवणदारांनी सांगलें.
मजगतीं, खेळां प्राधिकरणाच्या मैदानार गोंय फुटबॉल असोसिएशनान प्रोफेशनल फुटबॉल मॅचीं वांगडा 14 वर्सां पिरायेच्या खेळगड्यांच्या सर्तीचो मॅची खेळोवपाचें थारायलां. ते खातीर रोझ सर्कल मैदानार उदका पायपलायनीची दूरुस्ती करपाचें काम हातांत घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
