भांगरभूंय | प्रतिनिधी
भांगरभूंय । खबरां मेज
पणजीः कुजिरा- बांबोळी हांगच्या रोझरी हायस्कुलाचे 10वे वर्सुकी कला प्रदर्शन पालक-शिक्षक संघाच्या पालवान हालींच जालें. फोंडेच्या दादा वैद कॉलेज ऑफ एज्युकेशनाचे फायन आर्टाचे सहाय्यक प्राध्यापक दीप्तेज डीएस वेर्णेकार, बालभवन- नेवराचे कला शिक्षक विश्वरूप कमलाकांत नायक हांणी प्रदर्शनाचें परीक्षण केलें.
रोझरी हायस्कुलाची मुख्याध्यापिका अॅलीस गोयश हिचे हस्तुकीं प्रदर्शनाचें उक्तावण जाले. वेर्णेकार हांणे अॅबस्ट्रेक पेटिंगाची आपली कुशळताय दाखयली. विद्यार्थिनीच्या पेंटिंगाचे आर्ट शिक्षक आविता कॉस्ता हांच्या मार्गदर्शना खाला प्रदर्शन जाले. तातूंत ज्युनिअर गटांत सान्या प्रभू, आद्रिना बार्रेटो आनी जेरुशा फर्नांडीस हांका आनी सिनियर गटांत डेनिला पाल्हा, पर्ल नायक आनी दिशा खांडोळकार हांका इनामां फावो जालीं.
मिस्टर आनी मिसेस रोझारियो यादस्तीक आस्वासक आर्टिस्ट पुरस्कार डेनिला पाल्हा आनी भूमी नायक हाकां फावो जालो. रोझरी एज्युकेशन सोसायटीचो अध्यश्र टोनी रॉड्रिग्ज हाचे हस्तुकी तो तांकां भेटयलो. डेनिला सिकेरान सूत्रसंचालन केलें आनी आद्रिना बार्रेटोन उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
