भांगरभूंय | प्रतिनिधी
नावेलीच्या रोझरी उच्च माध्यमीक, फातोड्डेंच्या जवाहरलाल नेहरू उच्च माध्यमीक आनी हेडलॅण्ड सडा वयल्या दीपविहार उच्च माध्यमीक हाणें आपआपली मॅच जिखून 19 वर्सां पिराये सकयले चल्यांचे विभाग तीन फुटबॉल सर्तीचे फुडले फेरयेंत सुवात मेळयली. मॅची धर्मापूर मैदानाचेर जाल्यो.
पयले मॅचींत रोझरी उच्च माध्यमिकान दवर्लीच्या एआयएम उच्च माध्यमीक पंगडाक 6-0 अशा व्हडा फरकान हारयलो. फ्लेन क्रास्तोन हॅट्रीक केली. आदर्श राजान दोन जाल्यार प्रवीण खोटेन एक गोल केलो.
दुसरे मॅचींत जवाहरलाल नेहरू उच्च माध्यमिकान कुठ्ठाळीच्या अवर लेडी ऑफ पर्पेच्युअल सुकूर उच्च माध्यमिका आड 6-0 फरकानूच जैत जोडलें. ग्लेन फालेरोन दोन, मोहम्मद अफमान, साहिल मळगी, अयुब आनी चंचल हाणें दरेकी एक गोल केलो. तिसरे आनी निमाणे मॅचींत दीपविहारान बोर्डाच्या सरकारी मल्टीपर्पझ उच्च माध्यमिकाक टायब्रेकरांत 5-4 फरकान हारयलो. निर्धारीत वेळाच्या खेळांत दोनूय पंगड गोलाविणें बादाबाद आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
