भांगरभूंय | प्रतिनिधी
बायुलाची बावली…….विजु
माकोडमाम मुंगुसाच्या पिलांक राखतालो.
“मम्मा आयलीच ना.”
“केन्ना येतली ती”?
“येतली बेगीन” माकडान पिलांक समजायलें.
“इतलो वेळ कित्याक जालो तिका?” मुंगसाची पिलां रडकुळी जालीं.
“काम करतना आडखळ येता केन्ना केन्ना”.
“तुमी चित्र काडटना रब्बर वापरतात?”
” हय, पुसता सारकें करतात”.
” तशेंच तें”
” ही पळय आयली” मुंगुसाक पळोवन पिलांनी बोवाळ घालो. दोगांनी धांवत वचून तिका घट वेंग मारली.
” वाटेर म्हाका सुकण्यांनी आडायलें.”
” हिका खायनासतना खंय व्हरता?”
” येदीशी कीड, पिशें लागलां?”
पानांर बसोवन व्हडें कशें घेवन वता! सुकणीं झपय मारताली, पूण हांवे तिका तुतीच्या पानांर व्हरुंन दवरलें.
” तुती म्हणल्यार ? रमान विचारलें.
“तुती म्हणल्यार मलबरी…. Mulberry tree. ही कीड तुतीचे झाडाची पानां खाता. पूण, मुंगुसाक कशें समजलें? मुंगुसान मलबरी झाडालागीं आपलो राबितो आशिल्लो तें सांगलें. ह्यो कीडी मुंगुसाच्यो इश्टीणी जाल्यो.
“असली झांडां खंय आसात तेंय म्हाका खबर आसा”.
“मम्मा तूं ग्रेट गो!?”
माकोडमाम मुमुरखो हांसलो. ” मामा आमकां हांसता” पिलां आड्डलीं.
“तुमकां ग्रेट कोणे शिकयलें”?
“तुवेंच न्हय मामा?” माकोडमाम, पिलां, रायन, शायना, रेवा, परेश,प्रणव सगळीं हांसत रावलीं.
“तुमकां मजा आयली?”
“हय, हय” भुरगीं हांसतच आशिल्लीं. कारण भुरग्यांनी ग्रेट न्हय फ्रेट कितेशें वेगळेंच म्हणिल्लें. कोणाक अर्थ कळुंक ना माकडान सांगलें म्हूण समजलें. भुरगीं मात मलबरी ट्री ख्रिसमस ट्री म्हणत पाठ करपाक लागलीं.
क्रिसमस ……मलबरी म्हणटां म्हणटां सगल्याक पाठ जालें.
“सायन्स टिचर सांगतली” रायन उलयलो.
“काय बरें न्हय, झाडाची पानां खावन आमकां सूत दितात”. प्रणव खोशी जालो. रायन, शायना, प्रणव इश्ट इश्टीणींनी टिचरी कडेन विचारपाचें थारायलें.
“दर जिव …..कीड मुंय सैमा खातीर कितें तरी दिता” बावलेन म्हणलें.
“आमी दोळे उकते करुंन पळोवपाची गरज.” माकोडमाम मुंगुसाच्या पिलांक समजायतालो.
“झाडा, फुलां, फळां, मातयेत रावन सगल्यांची जीण सांबाळटात.खोस वाटीत रावतात. माकोडमाम कितें उलयता कोणाक कांय समजनाशिल्लें.
आमी खावप- जेवप इतलेंच. पिलां मामाच्या खाद्यार नाचताली.
” म्हाका कातकुतल्यो जातात” माकडान म्हणलें.
“” तूं आवाज काडटा तें आयकून बरें दिसता.” पिलां अशें म्हणत माकडाच्या आंगा खांदार नाचपाक लागलीं.
तितलोच माकोडमाम …..उय…. उय उय….
” रावात मातशीं म्हाका कातकुतल्यो करुं नाकात” अशें म्हणटा म्हणटा माकोड ” हेपी न्यु इयर ” म्हणत नाचपाक लागलो. माथ्यार पानां घेतलीं. तशीं भुरग्यांनी पणसांची पानां घेतलीं. ” हेप हेप हेपी न्यु इयर” म्हणत नाचत रावलीं.
माकोड माम नाचता तें पळोवन रमेश, रेवा, प्रणव, रीना, रमा, रायन सगळी जमिल्ली मोट्या उमेदीन नाचपाक लागली.
नव्या वर्साच्या निमतान भुरग्यांनी रंगाचे बोमाडे फुलयले. कांय फुलले…कांय फुटले. पूण मजा जाली. ठोप…ठोप.. बोमाड्याच्या आवाजाची जादु जाली. बोमाडे फुलयल्यार फुफुसांक बरे अशें म्हणटात ” बावलेन सांगलें.
“तशें जाल्यार पापा मम्माक विचारुंया’ भुरग्यांनी म्हणले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
