भांगरभूंय | प्रतिनिधी
नोएडा, खबरां संस्था ः ‘बिग बॉस ओटीटी २’ चो जैतिवंत, युट्यूबर एल्विश यादव हाणें रेव्ह पार्टे खातीर सोरपाच्या विखाची पुरवण केल्ल्यान ताका नोएडा पुलिसांनी अटक केली.
चड म्हायती प्रमाण, एल्विश हाणें रेव्ह पार्टे खातीर सोरपाच्या विखाची पुरवण केल्ल्याचें कबूल केलां. ताका नोएडा पुलिसांनी ताका आयज अटक करुन सूरजपूर न्यायालयांत हजर केलो. न्यायालयान ताका 14 दिसांची न्यायालयीन बंदखण दिल्या. मजगतीं, फाटल्या वर्सा नोव्हेंबरांत एल्विसाचेर रेव्ह पार्टींत सोरपाचें विख पुरवण केल्ल्याचो आरोप आशिल्लो. नोयडाच्या सेक्टर 49 पुलीस स्टेशनांत एल्विसा आड गुन्यांव नोंद केल्लो. ह्या प्रकरणांत पांच जाणांक अटक केल्ली. तशेंच हालींच फॉरेन्सिक सायन्स लॅबोरेटरी कडल्यान अहवाल आयलो. तातूंत रेव्ह पार्टींतल्या नमुन्यांनी सोरपाचें विख आशिल्ल्याचें स्पश्ट जालें. हें वीख विशिश्ट प्रमाणांत ड्रग्स म्हूण घेतात. एल्विसाक आयज ह्या प्रकरणांत चवकशी खातीर आपयलो. एक वरभर चवकशी उपरांत ताणें गुन्यांव कबूल केलो. पुलिसांनी एल्विशाक अटक केली. आनी ताका न्यायालयांत हजर केलो. ताका 14 दिसांची न्यायालयीन बंदखण दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
