भांगरभूंय | प्रतिनिधी
मडगांव : ऑपरेशन अमानत खाला रेल्वे राखीव दळाच्या (आरपीएफ) मडगांव फांट्यान प्रवाशाचें सुमार ७६ हजारांच्यो वस्तू आशिल्लें बॅग परत केलें. रेल्वे नंबर २२११९ त आरपीएफ मडगांवचे हेड कॉन्स्टेबल देवेंद्र कुमार सैनी हांकां मेळिल्लें बॅग तांणी मडगांव कार्यालयांत जमा केलें.
ह्या बॅगांत पॉवर बँक, इअरबड्स, पोर्टेबल कॅमेरा आनी इअरफोन आशिल्लो. मुंबयच्यान मडगांवां प्रवास करपी आनी करमळे देंविल्ले हर्षदभाई हांणी शेणिल्ल्या बॅगाचो सोद घेवपा खातीर मडगांव रेल्वे सुरक्षा दळा कडेन संपर्क केलो. तपासणी आनी हेर प्रक्रिया पुराय केले उपरांत कॉन्स्टेबल खत्री हांणी तें बॅग प्रवाशाक परत दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
