भांगरभूंय | प्रतिनिधी
शिक्षण पुराय करून नोकरी सोदपी तरणाट्यां खातीर एक म्हत्वाची बातमी मुखार आयल्या. रेल्वे भरती बोर्डा वतीन परत एक फावट पदांची भरती जाहीर केल्या. रेल्वे वतीन एक पत्रक जारी केलां. तातूंत वर्ग चारांतल्या विवीध संवर्गांतल्या ३२ हजार ४३८ पदांचेर भरती करतले. अर्ज करपा खातीर २३ जानेवारी सावन ऑनलायन सुविधा दिल्या. २३ जानेवारी ते २२ फेब्रुवारी मजगतीं उमेदवारांक अर्ज दाखल करपाक मेळटले. हाका लागून कांय गरजेच्या कागदपत्रांची गरज आसतली. हीं कागदपत्रां उमेदवारांनी एकठांय करून दवरचीं, असो उलो प्रशासनान मारला. उमेदवार भरतीची जायरात अधिकृत वेबसायटी वेल्यान पळोवपाक शकतात.
म्हत्वाच्यो तारखो
जायरातीची तारीख: २८ डिसेंबर २०२४
अर्जाची तारीख: २३ जानेवारी २०२५
अर्ज दाखल करप आनी फी भरप: २२ फेब्रुवारी २०२५
हॉल तिकीट: परीक्षे पयलीं परिक्षेची तारीख जाहरी करतले.
उमेदवारांक कितलो शुल्क भरचो पडटलो
ग्रुप-डी भरती प्रक्रिये खातीर अर्ज करतना जनरल आनी ओबीसी उमेदवारांक ५०० रुपया (सीबीटींत वांटेकार जाल्यार ४०० रुपया परत दितले) आनी एससी/एसटी/ईबीसी/बायलां/ट्रान्सजेंडर वर्गा खातीर २५० रुपयांचें शुल्क घेतले.
पात्रताय
रेल्वे विभागांत वर्ग चारांत पोस्ट मेळोवपा खातीर उमेदवार फकत धावी पास आसप गरजेचें. धावी वा एनसीव्हीटींतल्यान एनएसी प्रमाणपत्र गरजेचें. १ जुलय २०२५ मेरेन १८ ते ३६ वर्सांच्या मजगतीं वर्सां आशिल्ले उमेदवार अर्ज करपाक शकतात.
परीक्षा पॅटर्न कसो आसतलो
ग्रुप डींत अर्ज दाखल करपा खातीर सामान्य आनी ओबीसी उमेदवारांक ५०० रुपया आनी एससी, एसटी, ईबीसी, महिला, ट्रान्सजेंडर हांचे खातीर २५० रुपया भरचे पडटले.
सामान्य विज्ञान: २५ प्रस्न
गणित: २५ प्रस्न
सामान्य बुद्धिमत्ता आनी तर्क: ३० प्रस्न
सामान्य जागरूकताय: २० प्रस्न
चुकीचे जापे खातीर १/३ गुण वजा करून (बरोबर जापे खातीर +१) गूण दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
