भांगरभूंय | प्रतिनिधी
मुंबय, खबरां संस्था: भारतीय रेल्वेन प्रवाशांच्या सोयी खातीर जायत्यो सुविधा सुरू केल्यात. देशाचें एक तोंक ते दुसर्या तोंकाक जोडपाचें काम ह्या रेल्वेमार्गान केलां आनी ल्हवू ल्हवू ह्या भारतीय रेल्वेची उदरगत चालूच आसा. काळाप्रमाण जायत्यो रेल्वे सेवा बदल्ल्यात. हातूंत खरी क्रांती हाडली ती डिजिटलीकरणान.
तिकेट बूक करपा सावन तें ती रद्द करपा मेरेन आनी एका क्लिकान रेल्वे वेळापत्रक लेगीत तपासपा मेरेन रेल्वेन एका क्लिकाचेर सगळ्यो सुविधायो उपलब्ध केल्यात. ह्या नव्या तंत्रगिन्यानाच्या आदारान रेल्वेन आतां तिकीट बुकींग प्रक्रियेंत कांय म्हत्वाचे बदल केल्यात. हे संबंदी केंद्रीय रेल्वे मंत्र्यान स्वता म्हायती दिली.
आतां निमाण्या खिणाक तत्काळ तिकीट बुकींग करपा खातीर ई-आधार प्रमाणीकरण पद्दत सुरू करपाची भारतीय रेल्वेची तयारी सुरू आसा. रेल्वे तिकीट बुकींग प्रक्रियेंत जावपी फटींगपणां आनी स्कॅलपींग उणें करपा खातीर हो निर्णय घेतला.
तिकीट बुकींग करतना त्या मनशाची वळख डिजिटल रितीन प्रमाणीत जातली. ह्या माध्यमा वरवीं तिकीट आरक्षणाची प्रक्रिया चड पारदर्शक आनी नितीमत्ता करपा खातीर रेल्वेन केंद्रीय ध्येय थारायलां. हाचे वरवीं तिकीट आरक्षण प्रक्रिया अदीक पारदर्शक आनी निष्पक्ष करण्याचें लक्ष्य रेल्वेन केंद्रा कडेन दवरलां. रेल्वे अधिकारीय हे येवजणे विशीं आशावादी आसात, आनी रोखडीच तिकीट बुकींग करपाचो हुस्को आशिल्ल्या प्रवाशांकय हातूंतल्यान थाकाय मेळटली.
सध्याची तत्काळ तिकीट आरक्षण प्रणाली कशें काम करता?
-एसी क्लास (२Aए, ३एA, सीसी, ईसी आनी ३ई) ची बुकींग रेल्वे वयच्या एका दिसा पयलीं सकाळीं १० वरांचेर सुरू जाता.
-नॉन एसी (स्लीपर, सेकंड सिटींग) ची तिकीट आरक्षण प्रक्रिया रेल्वे प्रवासाच्या एक दिसा पयलीं सकाळीं ११ वरांचेर सुरू जाता.
-उदाहरण ट्रेन १६ जुलयाक वता जाल्यार तुमी १५ जुलयाक तत्काळ तिकीट काडप अपेक्षीत आसतली. हाका लागून एसीच्यो तिकेटी १० वरां पसून आनी नॉन एसीची तिकीट ११ वरां सावन उपलब्ध आसतली.
-तत्काळ तिकीट कन्फर्म जाल्यार कसलेच तरेचें रिफंड मेळचें ना.
नव्या नेमाक लागून नेमकें कितें बदलतलें?
आतां मेरेन रेल्वेची तिकीट बूक करपा खातीर फकत मोबायल ओटीपी आनी आयडी पुरो आशिल्लें. मात हे नवे प्रणाली खाला आनी बदलिल्ल्या नेमां प्रमाण आधारकेंद्रीत e-KYC करची पडटली. म्हळ्यार तुमचो आधार क्रमांक, ताचे कडेन लिंक आशिल्ल्या मोबायलाचेर येवपी OTP ह्या सगल्याची गरज पडली. हाचे बगर तिकीट बूक जावची ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
