भांगरभूंय | प्रतिनिधी
नवी दिल्ली, खबरां संस्था: देशाच्या कोनशा कोनशांतल्या खुबश्या शारांनी रेल्वेची सेवा पाविल्ल्याचें आमकां पळोवपाक मेळटा. रेल्वे वरवीं दरदिसा लाखांनी लोक प्रवास करतात. खरें म्हणल्यार रेल्वेचो प्रवास म्हणल्यार सामान्यांक परवडपी प्रवास म्हणून हाचे कडेन पळयतात. लाखांनी प्रवासी एका शारांतल्यान दुसर्या शारांत रेल्वेंतल्यान प्रवास करीत आसतात.
हेच फाटभूंयेर लोकांचे सेवे खातीर रेल्वेच्या ताफ्यांत वंदे भारताच्यो एसी गाडयो दाखल जाल्यात. उपरांत आतां रेल्वे प्रवाशां खातीर आनीक एक खोशयेची खबर मुखार आयल्या. आतां बेगीनूच वंदे भारत वातानुकुलीत स्लीपर ट्रेन सुरू जातली. हाका लागून प्रवाशांचो प्रवास आनीक सुखाचो जावपाक मजत जातली.
मजगतीं, इंडो- रशियन जायंट व्हेंचर किनेट रेल्वे सोल्युशन्स फुडल्या सप्तकांत तांच्या पयल्या एसी कोचच्या डिझायनाचें अनावरण करतले. भारतीय रेल्वे मंत्रालयान लांब आनीमध्यम अंतराच्या प्रवासा खातीर वंदे भारत स्लिपर ट्रेन सुरू करपाची येवजण राबयली. वंदे भारत स्लीपर ट्रेन किनेट रेल्वे सोल्युशना वरवीं तयार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
