भांगरभूंय | प्रतिनिधी
रेल्वेचो मुखेली उपेंद्र यादव (91) आनी ओपनर बॅट्समन सुरज आहुजा (81) हांचे बॅटिंगे नेटार रेल्वे पंगडान चार दिसांचे रणजी मॅचीच्या पयल्या दिसा आपल्या पयल्या डावांत 9 विकेटी वगडावन 293 धांवड्यो केल्यो.
कालच्यान रणजी क गटांतली रेल्वे आनी गोंय ह्या पंगडां मदली चार दिसांची मॅच सुरत शारांतल्या लालभाय कॉंट्रेक्टर स्टेडियमाचेर सुरू जाली.
गोंयान टॉस जिखून पयलीं फिल्डिंग करपाचो निर्णय घेतलो. गोंयच्या बॉलरांनी पयल्या दोन सत्रांनी उत्कृश्ट बॉलींग घाली. एका वेळार रेल्वेची परिस्थिती 6 बाद 165 अशी आशिल्ली. पूण, उपरांत मुखेली उपेंद्र यादवान सातवे विकेटी खातीर युवराजा वांगडा 59 आनी आठवे विकेटी खातीर आकाश पांडे वांगडा उपेगी 67 धांवड्यांची भागिदारी केली. ताका लागून पंगडाक दिसाचे अखेर मेरेन समाधानकारक स्कोर उबारपाक जमलो.
पयल्या दिसाच्यो तीन ओव्हरी बाकी आसतना आकाश पांडे आनी उपेंद्र यादव बाद जालो. गोंया वतीन दीपराज गांवकारान 3, दर्शन मिशाळान 2, जाल्यार मोहीत रेडकार, हेरंब परब, फॅलिक्स आलेमांव हांकां दरेकी एक विकेट फावो जाली.
गोंयान हे मॅची खातीर तीन बदल केले. अर्जुन तेंडुलकर, इशान गडेकार आनी समर दुभाषी हांकां भायर बसोवन फॅलिक्स आलेमांव, अमोघ देसाय आनी स्नेहल कवठणकार हांकां निमाण्या इकरांत सुवात दिली.
धांवतकटोः रेल्वे (पयलो डाव) 90 ओव्हरींनी 9 बाद 293 धांवड्यो, सुरज अहुजा कॅ. स्नेहल कवठणकार बॉ. दीपराज गांवकार 81, विवेक सिंग एलबीडब्ल्यू बॉ. फॅलिक्स आलेमांव 15, प्रथम सिंग कॅ. दर्शन मिशाळ बॉ. मोहीत रेडकार, मोहम्मद कैफ कॅ. मंथन खुटकार बॉ. दर्शन मिशाळ 16, उपेंद्र यादव कॅ. मंथन खुटकार बॉ. दीपराज गांवकार 91, साहब युवराज सिंग कॅ. सुयश प्रभुदेसाय बॉ. दीपराज गांवकार 0, आशुतोष शर्मा कॅ. हेरंब परब बॉ. दर्शन मिशाळ 17, युवराज धांवबाद 22, आकाश पांडे कॅ. लक्ष्य गर्ग बॉ. हेरंब परब 26, आदर्श सिंग खेळटा 0, हिमांशू सांगवान खेळटा 0, अतिरिक्त 20.
बॉलींगः लक्ष्य गर्ग 9-1-28-0, हेरंब परब 11-4-18-1, फॅलिक्स आलेमांव 13-1-54-1, दीपराज गांवकार 16-5-26-3, मोहीत रेडकार 17-0-65-1, दर्शन मिशाळ 22-1-81-2, अमोघ देसाय 1-0-3-0, सुयश प्रभुदेसाय 1-0-5-0.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
