भांगरभूंय | प्रतिनिधी
मडगांव: रेल्वेच्या मालमत्तेची चोरी केल्ल्या प्रकरणांत मडगांव रेल्वे पुलीस दळा कडल्यान संतोष लमाणी आनी झाकीर शाह ह्या दोगां दुबावितांक अटक केल्या. तांचे कडल्यान 80 मिटर सिग्नलींग केबल जप्त केली.
रेल्वे पुलीस दळा कडल्यान दिल्ले म्हायती प्रमाण करमळी रेल्वे कॉलनींतल्यान रेल्वेच्या मालमत्तेची चोरी जाताली. मडगांव रेल्वे सुरक्षा दळाच्या जवानांनी रेल्वेच्या मालमत्तेच्या चोरी प्रकरणांत दोगां दुबावितांक ताब्यांत घेतले. दुबावीत संतोष रमेश लमाणी आनी झाकीर शाह हांची चवकशी केली तेन्ना तांणीच रेल्वेच्या मालमत्तेची चोरी केल्ल्याचें मुखार आयलें.
उपरांत मडगांव रेल्वे सुरक्षा दळाच्या जवानांनी दोनूय दुबावितांक अटक केली. तांच्या ताब्यांतली चोरी केल्ली 30 कोअर सिग्नलींग 80 मिटराची केबल जप्त केली. ह्या प्रकरणांत मडगांव रेल्वे सुरक्षा दळाचे पुलीस निरिक्षक विनोद मिश्र हांच्या मार्गदर्शना खाला फुडलो तपास सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
