भांगरभूंय | प्रतिनिधी
जयपूर, खबरां संस्था: भारतीय रेल्वे भुरग्याचे तिकेटींतल्यान आनीक महसूल मेळयता. सीआरआयएस प्रमाण, २०२३ ते २०२५ ह्या अर्थीक वर्सा रेल्वेन ५ ते १२ पिरायेच्या गटांतल्या भुरग्यांचे तिकेटींतल्यान रु. ३,०९४ कोटी जोडले. तशेंच, भुरग्यां खातीरच्या बर्थ मदल्यान रु. ७० कोटीं परस चड उत्पन्न मेळ्ळें. मध्य प्रदेशांतले आरटीआय कार्यकर्ते चंद्रशेखर गौर हांणी म्हायती मेळयल्या.
रेल्वेन एप्रील २०१६ वर्सा नेम बदल्ले:
मार्च २०१६ मेरेन रेल्वेन ५ ते १२ पिरायेच्या भुरग्यांक अर्ध्या भाड्यान वेगळें बर्थ दिलें. एप्रील २०१६ सावन ह्या भुरग्यां कडल्यान पुराय भाडें घेतात. तशेंच ह्या पिरायेच्या गटांतलीं भुरगीं अर्दें भाडें दिवन प्रवास करपाक शकतात. मात तांकां वेगळे बर्थ मेळना. तांकां वांगडा आशिल्ल्या मनशा वांगडा सीट शेअर करची पडटा.
एक कोटीं परस चड भुरग्यां खातीर अर्दें भाडें
सीआरआयएसान दोन तरेची आंकडेवारी दिल्या. पयलें ५ ते १२ वर्सां पिरायेच्या गटांतल्या भुरग्यां खातीर तिकेटींतल्यान मेळपी उत्पन्न आनी दुसरें, सानुल्यां खातीर (१ ते ४ वर्सां) बर्थांतल्यान मेळपी उत्पन्न. पयले श्रेणींतल्या १ कोटीं परस चड भुरग्यांनी बर्थ घेवंक नाशिल्ले. रेल्वेन तांकां बसयिल्ल्या सुवातांतल्यान ४०० कोटीं परस चड जोडलें. मजगती, ह्या पिरायेच्या गटांतल्या स्वतंत्र सीट घेवपी आनी पुराये भाडें भरिल्ल्या भुरग्यांचो आंकडो ३ कोटीं परस चड आशिल्लो. हाका लागून २,६०० कोटी रुपयांचें उत्पन्न जालें. दुसरे श्रेणींतल्या सानुल्यांची आसा. रेल्वेन १० लाखां परस चड सानुल्यां खातीर बर्थ बुक करून ७० कोटी रुपया जोडले. सगले पयशे जोडून पळयल्यार हो आंकडो ३,१६५ कोटी इतलो जाता
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
