भांगरभूंय | प्रतिनिधी
नवी दिल्ली : रेल्वेन असिस्टंट लोको पायलट (ALP) च्या ९९७० पदांच्या भरती खातीर एक अधिसुचोवणी जारी केल्या. अर्ज प्रक्रिया १० एप्रील सावन सुरू जातली. उपरांत, उमेदवार indianrailways.gov.in हे वेबसायटीक भेट दिवन अर्ज करपाक शकतात.
शिक्षणीक पात्रताय: धावी पास, संबंदीत विशयांत आयटीआय डिप्लोमा
पिराय मर्यादा: उण्यात उणीं १८ वर्सां, चडांत चड ३३, राखीव प्रवर्गा खातीर पिराय मर्यादेंत सूट आसतली.
निवड प्रक्रिया: लेखी परिक्षा, मानसशास्त्रीय चाचण्यो, कागदपत्र पडताळणी
पगार: लेव्हल २ प्रमाण दर म्हयन्याक १९९०० रुपया
गरजेचीं कागदपत्रां: धावेची गुणपत्रिका, १२वेची गुणपत्रिका, आयटीआय, डिप्लोमा वा पद्वी
उमेदवाराचो फोटो आनी सय, जात प्रमाणपत्र, उमेदवाराचो मोबायल नंबर आनी ईमेल आयडी, आधार कार्ड
अर्ज कसा करचो : indianrailways.gov.in हे वेबसायटीक भेट दियात. संबंदीत भरती लिंकाचेर क्लिक करात.
तुमचें नांव, ईमेल आयडी, मोबायल नंबर आनी हेर तपशील भरात. जल्म प्रमाणपत्र, शिक्षणीक पात्रताय प्रमाणपत्र आनी हेर गरजेच्या कागदपत्रांची स्कॅन केल्ली प्रत अपलोड करात.
नोंदणी शुल्क भरात आनी निमाण्या सबमिशना उपरांत ते जतन करात वा प्रिंटआवट घेयात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
