भांगरभूंय | प्रतिनिधी
-मॉवीन गुदिन्हो हांची विधानसभेंत लेखी जापेंत म्हायतीपणजी : गोंयांत फाटल्या एका वर्सांत रेन्ट ए कॅप वाहनांक स्पीड गव्हर्नर बसोवंक नाशिल्ल्यान 53 वाहनांचेर कारवाय केल्या. जाल्यार दर्यादेग वाठारांत पार्किंगाची समस्या आशिल्ल्यान थळावे आमदार आनी उत्तर गोंय रेन्ट ए कॅप असोसिए8नाच्या निवेदनाची दखल घेवन रेन्ट ए बायकांक परवानगी दिवपाचे बंद केल्ल्याची म्हायती येरादारी मंत्री मॉवीन गुदिन्हो हांणी विधानसभेंत लेखी जापेंत दिल्या.
ह्या प्रकरणांत हळदोणेचे आमदार कार्लुस फेरेरा हांणी रेन्ट ए कॅप आनी रेन्ट ए बायक संदर्भांत दोन वेगवेगळे अतारांकीत प्रस्न विधानसभेंत दाखल केल्ले. तातूंत तांणी गोंयांत कितल्यो रेन्ट ए कॅबची नोंदणीकृत म्हायती मागयिल्ली. तशेंच परवानो संदर्भांतली मार्गदर्शक तत्वांची म्हायती मागयिल्ली. तशेंच तांणी रेन्ट ए कॅबीक स्पीड गव्हर्नर बसोवपा विशीं प्रस्न दाखल केलो. ते प्रमाण, गोंयांत 5,861 रेन्ट ए कॅबची नोंदणी केल्या. तशेंच वेळावेळार वाहनांची तपासणी करतात. फाटल्या एका वर्सांत स्पीड गव्हर्नर बसोवंक नाशिल्ल्यान 53 वाहनांचेर कारवाय केल्ल्याची म्हायती लेखी जापेंत दिल्या.
मजगतीं, गोंयांत 16,124 रेन्ट ए बायक नोंदणी केल्ल्याची म्हायती लेखी जापेंत दिल्या. तशेंच बाणावलीचे आदले आमदार चर्चील अालेमांव, कळंगूटचे आमदार मायकल लोबो आनी उत्तर गोंय रेन्ट ए कॅब असोसिएशनाच्या निवेदनाची दखल घेवन नवीन रेन्ट ए बायकांक परवानगी दिवपाचे बंद केल्ल्याची म्हायती लेखी जापेंत दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
