भांगरभूंय | प्रतिनिधी
रॅड कार्पेटीचो इतिहास शेंकड्यांनी वर्सां आदलो. रॅड कार्पेट मानसन्मान, येवकार आनी म्हत्वाच्या सोयऱ्यां खातीर विवेश वेव्हाराचें प्रतिक मानतात. हाचो वापर राजकी आनी साबार आयोजनांनी करतात. खास आयोजनांनी विशेश लोकां खातीर रॅड कार्पेट घालतात.
रॅड कार्पेट सदांच खास व्यक्तीं कडेन जोडटात. हाचे फाटली काणी कितें? ती अतिम्हत्वाच्या व्यक्तीं खातीर घालतात. ताचो रंग हळडुवो, निळो, पाचवो, गुलाबी कित्याक आसना?
एका अहवाला प्रमाण रॅड कार्पेटीचो वापर प्राचीन ग्रीक आनी रोमन संस्कृतींत करताले. ‘एगामेमन’ ह्या ग्रीक नाटकांत राजा एगामेमनाच्या येवकारा खातीर तांबडो गालिचो अंथरिल्लो. त्या वेळार शाही सन्माचें प्रतीक आशिल्लें. ग्रीकांतल्यान रॅड कार्पेट हेर देशांनी पावलें. अशें म्हणटात, अधिकृत तरेन सगल्यांत पयलीं रॅड कार्पेटाचो वापर 1821 त केल्लो. त्या वेळार अमेरिकेचे तेन्नाचे राष्ट्राध्यक्ष जेम्स मोनरो हांकां येवकार दिवचे खातीर रॅड कार्पेट घातिल्लें.
ते उपरांत 1902 त न्यूयॉर्कांत न्यू एक्सप्रेस ट्रेनीच्या प्रवाश्यां खातीर रॅड कार्पेटीचो वापर केल्लो. ताचे उपरांत हॉलिवूड आनी फॅशन इव्हेंटांत ताचो वापर जावपाक लालगलो. तेन्नाच्यान विशेश आयोजनांनी ताचो वापर जायत आसा.ॆअशें म्हणटात, सदांच तांबडो रंग धन, सुख संपत्ती आनी समृद्धीचें प्रतीक आसा. प्राचीन काळांत तांबड्या रंगाचे कपडे फकत गिरेस्त लोकूच घालताले. कारण तांबडो कपडो खूब म्हारग आसतलो. राजा- महाराजांच्या काळांत लेगीत तांबडो रंग आस्पतीचें प्रतीक आशिल्लें.
भारतांत रॅड कार्पेटा विशीं अशे तरेचो कसलोच अधिकृत दावो मेळना, पूण कितल्याश्याच अहवालांत म्हणलां, 1911 त दिल्ली दरबारांत पयले खेपे रॅड कार्पेट तेन्नाचे वॉयसरॉय लॉर्ड हार्डिंगे हांणी किंग जॉर्ज व्ही. के. खातीर घातिल्लें. लाल किल्ल्याचेर हो दरबार भरिल्लो. किंग जॉर्ज व्ही. के. वांगडा क्वीन मॅरी खातीर ताचो वापर केल्लो.
आतां संवसारांतले फुडारी आनी अतीम्हत्वाच्या व्यक्तींक येवकार दिवपाक रॅड कार्पेटीचो वापर करतात. रॅड कार्पेट यजमान देशा वरवीं सोयऱ्याक दिल्लो सन्मान आनी इश्टागत दाखयता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
