भांगरभूंय | प्रतिनिधी
नवी दिल्ली: इराणच्या वाडपी संघर्शाचो भंय संवसारीक बाजारपेठेचेर दिसून आयला. भारतीय (INDIA) रुपया सोमारा म्हयन्यां भरांत सगल्यांत सकयले पातळेर देंवलो, जाल्यार मुखेल समभाग निर्देशकांनी व्हड प्रमाणांत उणाव आयला.
सोमारा रुपया डॉलरचे तुळेंत ०.३ टक्क्यांनी देंवून ९१.२३५० वयर बंद जालो. फेब्रुवारी सुरू जाल्ल्याक हो सगल्यांत व्हड प्रमाणांत उणाव आयला.
सोमारा रुपया ०.३ टक्क्यांनी देंवून डॉलराच्या मुखार ९१.२३५०चेर बंद जालो. फेब्रुवारीचे सुरवेक सावन हो सगळ्यांत उणो पांवडो.
त्याच वेळार आशियाई बाजारांतल्या उणावाच्या फाटभुंयेर निफ्टी ५० आनी सेन्सेक्स हांचोय वेपार सुरू जालो.
तेल दरवाडीचो परिणाम
अमेरिका आनी इस्त्रायलान शेनवारा इराणाचेर हल्लो केले उपरांत संघर्श आनीक पेटलो. इराणान ताका प्रत्युत्तर दिल्ल्यान व्यापक प्रादेशीक युद्धाचो धोको वाडला. हे फाटभूंयेर गुंतवणूदारांनी सुरक्षीत पर्यायांकडेन मोर्चा वळयलो आनी उदयोन्मुख बाजारांतलें चलन आनी समभाग विक्रेचें चेंपण वाडलां. ब्रेंट क्रूड तेलाच्या दरांत लागीं लागीं ६ टक्क्यांची उसळी नोंद केली. दर तात्पुरतें प्रती बॅरल ८२ डॉलर मेरेन पावलें. हेर आशियाई चलन ०.२ ते ०.६ टक्क्यांनी देंवलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
