भांगरभूंय | प्रतिनिधी
5 वर्सांत 9.63 लाख कोटी जोडले
मुंबय, खबरां संस्था ः रिलायन्स इंडस्ट्रीज लिमिटेड (आरआयएल) कंपनीन सेगीत पांचव्या वर्सा गुंतवणूकदारांक सगळ्यांत चड परतावो दिवन रिलायन्स इंडस्ट्रीज ही सगळ्यांत व्हडली संपत्ती निर्माण करपी कंपनी थारली. मुंबयंतल्या बेस्ड ब्रोकरेज फर्म मोतीलाल ओसवाल कंपनीन 14 डिसेंबराक आपलो 28 वो वर्सुकी संपत्ती निर्मिती अभ्यास अहवालांत ही म्हायती दिलां.
मोतीलाल ओसवाल हांणी सांगलें, रिलायन्स इंडस्ट्रीज कंपनीन 2018 ते 2023 ह्या काळांत (31 मार्च 2023 मेरेन) 9.63 लाख कोटी रुपया जोडल्यात. ह्या अहवाला प्रमाण हे वळेरेंतल्या पयल्या शंबर कंपनींनी तयार केल्ल्या वट्ट संपत्तींत रिलायन्स कंपनीची 13.7% संपत्ती आसा.
TCS दुसरे सुवातेर
रिलायन्स सोडल्यार संपत्ती निर्माण करपाचे नदरेन पयल्या 5 कंपनींनी टाटा कन्सल्टन्सी सर्विसेस (TCS), आयसीआयसीआय बँक, इन्फोसिस आनी भारती एअरटेल हांचोय आस्पाव जाता. तशेंच ह्या कंपनींनी आपल्या गुंतवणुकदारांक सगळ्यांत चड फायदो दिला.
फोर्ब्सान 14 डिसेंबराक जाहीर केल्ल्या आंकड्यां प्रमाण रिलायन्साचे अध्यक्ष मुकेश अंबानी 95.9 अब्ज डॉलर म्हळ्यार 7.99 लाख कोटी रुपया संपत्ती घेवन संवसारांतलो 14वो गिरेस्त मनीस जाला.
गुंतवणूकदारांक 123% परतावो दिला
अहवाला प्रमाण रिलायन्स कंपनीन फाटल्या 17 वर्सांत वर्सुकी उजवाडाक येवपी व्हड संपत्ती निर्माण करपी कंपनींच्या वळेरेंत 10 फावटीं पयलीं सुवात मेळयलां. आरआयएलाच्या शेअरांत 2023 वर्सा आतां मेरेन 4.5 टक्क्यांनी देंवती कळाव जाला आनी फाटल्या वर्सा सुमार 6 टक्क्यांनी देंवला. फाटल्या 5 वर्सांत ह्या स्टॉकान गुंतवणूकदारांक 123% परतावो दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
