भांगरभूंय | प्रतिनिधी
मुंबय, खबरां संस्था ः रिलायन्साचो फुडार आकाश, ईशा, अनंत आनी तांच्या पिळगेचो आसा. म्हज्या पिळगेच्या लोकां परस ते जिणेंत चड साध्य करतले आनी रिलायन्स चड येसस्वी करतले हातूंत म्हाका दुबाव ना.
तरणाट्यां कडल्यान चुको जातल्यो. पूण तांकां म्हजो सल्लो आसा फाटल्या चुकां विशीं चितीत रावचें परस त्योच चुको परतून जावच्यो ना हाचेर लक्ष दियात. रिलायन्स इंडस्ट्रीजचे अध्यक्ष आनी वेवस्थापकीय संचालक मुकेश अंबानी हांणी हें सांगलें. बिरेस्तारा 28 डिसेंबराक आपल्या बापायच्या धीरूभाई अंबानीच्या वाडदिसाच्या निमतान ते उलयताले.
नवनिर्माणा वरवीं बाजारांत बरें हाडपा खातीर आमची वळख चालूच उरतली. आमी सदांच आमचे लक्ष्य उंच दवरपाचें धाडस केलां आनी नवे विक्रम तयार करपा खातीर आमी उंच उडी मारपाची तांक दाखयल्या. भारत संवसारांतली तिसरी व्हडली अर्थवेवस्था जाल्ल्यान रिलायन्स संदीची वाट पळयता. रिलायन्स संवसारांतल्या पयल्या 10 वेवसायीक गटांतलो एक गट जावंक शकता, अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
