भांगरभूंय | प्रतिनिधी
उत्कृश्ट कामगिरी खातीर मेळ्ळी ग्रेड ‘A+’
नवी दिल्ली, खबरां संस्था ः भारतीय रिझर्व्ह बँकेचे गव्हर्नर शक्तिकांत दास हांका एक भोवमान फावो जालो. मोरोक्कोच्या माराकेश शारांत जाल्ल्या ग्लोबल फायनान्स सेंट्रल बँकर कार्ड्स २०२३ वर्सा शक्तिकांत दास हांका ‘A+’ क्रमांक मेळ्ळा. केंद्रीय बँकांच्या गव्हर्नरांक तांचे बरे कामगिरी खातीर हो भोवमान दितात.
ग्लोबल फायनान्स नेमाळ्यान संवसारांतल्या केंद्रीय बँकरां विशीं अहवाल तयार करता. हो अहवाल A ते F ग्रेड मेरेन तयार केल्लो आसता. हे ग्रेड उत्कृश्ट कामगिरी ते अपेस मेरेनची म्हायती दिता. A+ क्रमांक उत्कृश्ट कामगिरी केल्ल्या खातीर आसता. जाल्यार F ग्रेड अपेस आयिल्ल्या खातीर आसता. चलनवाड नियंत्रण, अर्थीक उदरगतीचे उद्दिश्ट, चलनाची स्थिरताय आनी व्याजदर वेवस्थापन हांचेर आदारून A ते F मेरेन ग्रेड दितात.
शक्तिकांत दास हांच्या वांगडाच आनीक दोन केंद्रीय बँकर्स – स्वित्झर्लंडाचे थॉमस जे आनी व्हिएतनामाचो जॉर्डन होआंग हांकांय ग्लोबल फायनान्स सेंट्रल बँकर्स रिपोर्ट कार्ड 2023 वर्सां ‘A+’ ग्रेड मेळ्ळ्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
