भांगरभूंय | प्रतिनिधी
खबरां संस्था
अहमदाबादः फाटल्या 9 एप्रिलाक जाल्ले आयपीएलाचे मॅचींत कोलकाता नायट रायडर्सच्या रिंकू सिंगान निमाणे ओव्हरींतल्या पांच बॉलांचेर पांच सके मारिल्ल्यान गुजरात टायटन्साचो फास्ट बॉलर यश दयालाच्या मनाचेर सामको परिणाम जाला. अहमदाबादच्या नरेंद्र मोदी स्टेडियमाचेर रिंकू सिंगाच्या बॅटींतल्यान मारल्ले हे पांच सके अजून दयाालानक न्हिदपाक दिनात. हे घडणुकेक लागून ताची भलायकी इबाडल्या. मानसीक तशेंच कुडीचे नदरेन तो कमकुवत जाला अशें गुजरात टायटन्साचो कॅप्टन हार्दिक पंड्यान सांगलां.
हे मॅची उपरांत दयाल पंगडाच्या प्लेइंग-11 तल्यान भायर आसा. रिंकू सिंगान पांच सके मारल्या उपरांत यश दयाळ अजून दुयेंत आसा. ताचें 8 तें 10 किलो वजन कमी जाला. मात तो स्वताचेर बरीच मेहनत घेता आनी रोखडोच तो खेळटना दिसतलो असो हावेश हार्दिकान उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
