भांगरभूंय | प्रतिनिधी
मडगांव: लोटली पंचायतीच्या आयतारा जाल्ले खासा ग्रामसभेत रायसचे नियोजीत जेटीक ग्रामस्थांनी विरोध केला, हे संबंदीचो थाराव एकमतान पास केलो.
रायस जेटी बांदपाची सरकारान तयारी चलयल्या. जेटीचेर भासाभास करपा खातीर लोटली पंचायत मंडळान खासा ग्रामसभा घेतिल्ली. हे जेटीचो उपेग फकत कोळसाचे येरादारी खातीर जातलो असो पंचायत वाठारांतल्या लोकांक दुबाव आसा. ताका लागून जेटी नाकाच असो पवित्रो लोकांनी घेतला आनी तिका विरोध केला. लोकांच्या मता कडेन आडनदर करून सरकारान जेटी बांदपाचें थारायल्यार आंदोलन करपाची शिटकावणी लोकांनी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
