भांगरभूंय | प्रतिनिधी
प्रस्ताव सुर्पुर्द करपाची 19 जून निमाणी तारीख
पणजी: गोंय राज्य विज्ञान आनी तंत्रज्ञान मंडळान 28 फेब्रुवारी 2024 दिसा राष्ट्रीय विज्ञान दीस- 2024 मनोवपा खातीर विज्ञान आनी तंत्रज्ञान शिक्षण संस्था आनी विज्ञान आदारीत संघटणांकडल्यान अनुदान मदती खातीर प्रस्ताव मागयल्यात. विज्ञान दिसा निमतान शाळां, म्हाविद्यालयां आनी सर्वसामान्य लोकांच्या सहकार्यान चर्चा, प्रस्नमंजुशा, प्रदर्शनां, व्याख्यानां, रेडिओ संवाद अश्यो विवीध कार्यावळी आयोजीत करतात.
आमचे म्हान शास्त्रज्ञ आनी नोबेल पुरस्कार जैतिवंत सी. व्ही. रमण हांणी लायिल्ल्या रमण इफेक्ट सोदाच्या उगडासान देशांत दरेका वर्सा 28 फेब्रुवारीक राष्ट्रीय विज्ञान दीस मनोवपांत येता. गोंय राज्यांत गोंय राज्य विज्ञान आनी तंत्रज्ञान मंडळा वतीन केंद्रीय विज्ञान आनी तंत्रज्ञान मंत्रालयाच्या विवीध विज्ञान आनी तंत्रज्ञान कार्यावळींची अंमलबजावणी करतात.
त्याच प्रमाण राज्यांत 22 डिसेंबराक राष्ट्रीय गणीत दीस पाळटले. 22 डिसेंबर 2023 दिसा राष्ट्रीय गणीत दिसा निमतान गणीत संबंदीत प्रस्नमंजुशा, व्याख्यानां आनी सर्तींचें आयोजन करपा खातीरय इत्सूक शाळा आनी विज्ञान आनी तंत्रज्ञान आदारीत संघटणांकडल्यान प्रस्ताव मागयल्यात.
वांगडी सचीव, गोंय राज्य विज्ञान आनी तंत्रज्ञान मंडळ, साळगांव, सेमिनारी सामकार, साळगांव-बार्देस 403511 हांगा प्रस्तांव सुपुर्द करचे. हे प्रस्ताव सुर्पुर्द करपाची निमाणी ता. 19 जून 2023 जावन आसा.
चड म्हायती खातीर इत्सूक शाळां, उच्च माध्यमीक विद्यालयां, म्हाविद्यालयां आनी विज्ञान आनी तंत्रज्ञान आदारीत बिगर सरकारी संघटनांनी कार्यावळीचे प्रकल्प सोदअधिकारी संजीव आर. चोडणकार (9284794220) वा संयोजक फ्रान्सिस्को लुकास (9850142036) हांचे कडेन संपर्क करचो, असो उलो मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
