भांगरभूंय | प्रतिनिधी
भांगरभूंय । प्रतिनिधी
दिवचलः राष्ट्रीय लंगडी सर्तींत गोंयांच्या चल्यांच्या पंगडान भांगरा पद मेळयलें जाल्यार चलयांचे सर्तींत गोंयच्या पंगड उपजैतिवंत थारलो. ह्या दोनूय पंगडांचो दिवचले झांट्ये सभाघऱांत जाल्ले एके कार्यावळींत भोवमान केलो. ह्या वेळार लवू काणेकार, राघू बोर्डेकार, महाबळेश्वर सुर्लकार, सुवर्णा परब, संदीप पेडणेकार, रामनाथ वेर्लेकार, नारायण मराठे मायचेर आशिल्ले.
देशी खेळाक सरकारान उर्बां दिवपाची गरज लवू काणेकारान उक्तायली जाल्यार लंगडी असोसिएशनाक अर्थीक फाटबळ दिवंन ह्या राज्याच्या खेळां खात्यान चालना दिवचें अशें राघू बोर्डेकारान मागलें. महाबळेश्वर सुर्लकार, सुवर्णा पळ हांणी ह्या वेळार मार्गदर्शन केलें. नारायण मराठेन सुरवेक सगल्यांक येवकार दिलो आनी गोंय पंगडांतल्या खेळगड्यांची वळख करून दिली. प्रशिक्षण गोपालदास वैष्णव, दया भाटकार हांणी आपले सर्तींतले अणभव सांगलें. सगल्या खेळगड्यांक प्रशस्तीपत्रकांक आनी यादस्तिका भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
