भांगरभूंय | प्रतिनिधी
दिवचल: राष्ट्रीय रस्तो सुरक्षा म्हयन्या निमतान येरादारी खात्या वतीन दिवचल म्हालांत जागृताय फेरीचें आयोजन केलें. येरादारी नेम पाळात, रस्तो अपघात टाळात, असो संदेश दीत ही फेरी काडली.
दिवचल लायन्स क्लब आनी लिओ क्लब हांच्या सहकार्यान रस्तो सुरक्षा, जीवन रक्षा हे संकल्पने खाला हो उपक्रम राबयलो. हे रॅलींत रिक्षाचालक, दुचाकी चालक तशेंच तशेंच नागरिकांनी व्हडा संख्येन वाटो घेतलो.
उपरांत जाल्ले मार्गदर्शन कार्यावळींत येरादारी खात्याचे अधिकारी शिवनाथ पेडणेंकार, राजेंद्र सातार्डेंकार, मिथुन रामनाथकार आनी अनुप कुंडयकार हांणी रिक्षाचालक, दुचाकी चालक आनी विद्यार्थ्यांक येरादारी नेम समजावन सांगले.
ह्या वेळार लायन्स क्लबाचे अध्यक्ष केतन आमोणकार, सरचिटणीस सिद्धेश जिरगे तशेंच लिवोची अध्यक्ष अनुरा आमोणकार हाजीर आशिल्ले.
वाहन चलयतना योग्य ती जतनाय घेवप, चलत भोंवतल्यांनी, प्रवासी तशेंच मुखारच्यान येवपी वाहनां विशीं सतर्कताय बाळगप सामकें गरजेचें अशें अधिकार्यांनी स्पश्ट केलें. अपघातांचें प्रमाण वाडिल्ल्यान विशेश म्हळ्यार तरणाट्यांनी वेगाचेर नियंत्रण दवरचें, असो उलो विश्वनाथ पेडणेंकार हांणी मारलो.
ह्या अभियाना मजगतीं विवीध सुवातांचेर येरादारी खात्याच्या अधिकार्यांनी दुचाकी चालकांक आडावन हॅल्मेटाचें म्हत्व पटोवन दिलें. कार्यावळीक येवकार केतन आमोणकार हांणी दिलो. सुत्रसंचालन सिद्धेश जिरंगे, अनुरा आमोणकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
