भांगरभूंय | प्रतिनिधी
मध्यप्रदेशाच्या भोपाळ शारांत जाल्ले राष्ट्रीय योग ऑलिम्पियाड सर्तींत गोंयच्या पंगडाक रुप्या पदक फावो जालें. उच्च माध्यमीक गटाच्या पंगडान ही कामगिरी केली. भोपाळांतल्या प्रादेशीक शिक्षण संस्थेंत आंतरराष्ट्रीय योग दिसा निमतान सर्त आयोजीत केल्ली.
गोंयच्या पंगडांतल्यान मनस्वी दास, मानसी कोंडुलकर, राही गांवकार, स्वरा सातोस्कार, सहाना नेवगिरी, इमा पाटील, वैदेही शेटये, कोमल कुलूल, आरिफ खान, आरुष गांवकार, शौनक बाराजणकार, गणेश रामदुगा, अमन नायक, दिव्यता जल्मी, अथर्व नायक आनी शौर्य भगत हांणी वांटो घेतिल्लो. तांकां योग प्रशिक्षक विशाल गांवस आनी होंडा सरकारी माध्यमीक विद्यालयाची शारिरीक शिक्षक सुलोचना बाराजणकार हांचें मार्गदर्शन लाबिल्लें.
पंगडाक खेळां प्राधिकरणा वतीन धाडिल्लो. मजगतीं, योग दिसा निमतान भोपाळांत सुलोचना बाराजणकार हाणें योगाचें संचलन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
