भांगरभूंय | प्रतिनिधी
नवी दिल्ली, खबरां संस्था: संसदीय कामकाज मंत्रालयान राष्ट्रीय युवा संसद येवजण वेब पोर्टलाची आवृत्ती आयज सुरू केली. ही येवजण एनवायपीएस २.० म्हणूनय वळखतले. एनवायपीएसची फाटली आवृत्ती फकत मान्यताय मेळयिल्ल्या संस्थांच्या विद्यार्थ्यां पुरतीच मर्यादीत आशिल्ली. हाचे भायर एनवायपीएस २.०, अर्थीक स्थिती, लिंग, जात, पंथ, धर्म, वंश, प्रदेश आनी स्थान अशा खंयच्याय भेदभावां बगर देशभरांतल्या सगल्या नागरिकां खातीर उक्ती आसा.
सकयल्या मार्गांनी ह्या पोर्टलावेलो वांटो सुरळीत करूं येता:
१. संस्था वांटेकार जावप: सगल्यो शिक्षणीक संस्था पोर्टलाचेर उपलब्ध मार्गदर्शक तत्त्वां प्रमाण युवा संसद बसकांचें आयोजन करून हे श्रेणींत वांटेकार जावपाक शकतात. यत्ता सवी ते बारावी मेरेनच्या विद्यार्थ्यांक किशोर सभा हे उप-श्रेणी खातीर निवड जावपाक शकता, जाल्यार पदवीधर आनी पद्व्युत्तर पांवड्यार विद्यार्थ्यांक तरणाट्यांची बसका हे उप-श्रेणी खातीर निवडूं येता.
२. गटांनी वाटेकार जावप : पोर्टलार उपलब्ध आशिल्ल्या मार्गदर्शक तत्त्वां प्रमाण युवा संसद बसकांचें आयोजन करून नागरिकांचो एक गट हे श्रेणींत वांटेकार जावपाक शकता.
३. वैयक्तीक वांटेकार जावप: ‘सक्रीय भारतीय लोकशाय’ ह्या विशयाचेर प्रस्न मंजुशा सोडोवन कोणूय नागरीक हे श्रेणींत वांटेकार जावपाक शकता.
मंत्रालयाक वेळावेळार विद्यार्थी आनी संस्थांकडल्यान तांचे मुखारची आव्हानां आनी चिंतेविशीं अभिप्राय मेळटा आनी ताचेर गरजेची कारवाय करतात. संसदीय कामकाज राज्यमंत्री डॉ. एल. मुरुगन हांणी राज्यसभेंत एका प्रस्नाचे लेखी जापे वेळार ही म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
