भांगरभूंय | प्रतिनिधी
पणजी : केंद्रीय अर्थसंकल्पाचेर चर्चे वेळार खासदार सदानंद शेट तानावडे हांणी वयल्या सभाघरांत कोंकणींत भाशण केलें आनी गोंयचो आवाज आनी आकांक्षा राष्ट्रीय माचयेर आमचेच भाशेंत आयकूंक मेळटल्यो अशें सांगलें.
आपल्या भाशणांत तांणी केंद्रीय अर्थसंकल्पाची उदरगत, अर्थीक वाड आनी लोक केंद्रीत प्रशासना विशींची नदर स्पश्ट केली. अर्थसंकल्पांतल्या तरतुदींचो गोंयाक कसो फायदो जातलो, खास करून पर्यटन, शेतकी सारक्या मुखेल क्षेत्रांत काजू आनी नाल्ल सारकिल्या पिकांचेर लक्ष केंद्रीत करप, साधनसुविधा विकास, नुस्तेमारी, रोजगार निर्मिती हांचेर भर दिलो.
तरणाटे, शेतकार आनी ल्हान उद्देजकांक संद घटमूट करतना सर्वसमावेशक वाड सुनिश्चीत करून विकसीत भारताची बुन्याद ह्या अर्थसंकल्पांत आसा अशें तांणी सांगलें. ह्या अर्थसंकल्पांत संतुलीत प्रादेशीक उदरगत आनी गोंयच्या लोकांच्या आकांक्षां विशीं बांदिलकी दिसून येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
