भांगरभूंय | प्रतिनिधी
नवी दिल्ली, खबरां संस्था ः राश्ट्रीय चित्रपट पुरस्कार हो देशांतलो प्रतिश्ठीत चित्रपट पुरस्कार मानतात. ह्या पुरस्कारां मदीं एक पुरस्कार इंदिरा गांधीक आनी एक पुरस्कार नर्गिस दत्त हांच्या नावार आशिल्लो. पूण पुरस्कारांचे श्रेणींत बदल करुन इंदिरा गांधी आनी नर्गिस दत्त हांचीं नांवां श्रेणींतल्यान वगळ्ळ्यात. म्हायती आनी प्रसारण मंत्रालयान राष्ट्रीय चित्रपट पुरस्कारा खातीर 70 व्या राष्ट्रीय चित्रपट पुरस्कार 2022 खातीर नेम बदलल्यात. ह्या बदलां मदीं पुरस्कारांची रक्कम वाडयल्या. देखून श्रेणींतय बदल केल्यात. मोदी सरकारान नेमिल्ले समितीन कोरोनाच्या काळांत हे विशीं चर्चा केल्ली आनी हो निर्णय एकमतान घेतिल्लो.
सरकारान नेमिल्ले समितीन केल्ल्या बदला प्रमाण आतां उत्कृश्ट पदार्पण चित्रपटा खातीर इंदिरा गांधी पुरस्काराचो फकत दिग्दर्शका खातीर सर्वोत्कृष्ट पदार्पण चित्रपट म्हणून उल्लेख केला. जाल्यार राश्ट्रीय एकात्मतेचेर सर्वोत्कृष्ट फिचर फिल्मा खातीर नर्गिस दत्त पुरस्काराचे नाव बदलून राष्ट्रीय, समाजीक आनी पर्यावरणाक प्रोत्साहन दिवपी सर्वोत्कृष्ट फिचर फिल्म अशें नांव दिलां. राष्ट्रीय, समाजीक आनी पर्यावरण संवर्धनाचे संदेश दिवपी हे चित्रपट ह्या श्रेणींत विलीन जातले. दिग्दर्शकाक सुवर्ण कमळ आनी तीन लाख रुपया दिवन भोवमान करतले. इंदिरा गांधी आनी नर्गिस दत्त हांचीं नांवां वगळपा विशीं स्पश्टीकरण मेळूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
