भांगरभूंय | प्रतिनिधी
केपें: अखील भारतीय सांस्कृतीक संघ पुणे अधिकृत भागीदार युनेस्को वतीन आयोजीत राष्ट्रीय पांवड्यावेल्या लोकगीत प्रकारांत आयान मंगलदास भट हांकां पयलें इनाम फावो जालें. तांणी धालो गीत सादर केलें.
हे सर्तींत वट्ट 17 राज्यां आनी 4000 सर्तक वांटेकार जाल्ले. तो थायलंडांत जावपी ऑलिम्पियाड खातीर पात्र थारला. तांणी संगीत शाळा शारदा कला मंदीर कुडचडे वरवीं वांटो घेतलो. ताचे संगीत शिक्षक हृषीकेश देसाय हांचे कडल्यान ताका प्रशिक्षण मेळ्ळें.
सध्या शारदा कलामंदिरांत भारतीय शास्त्रीय संगीताचे धडे घेतात. आयान हो सर्वोदय एज्युकेशन सोसायटी हायस्कूल कुडचडें हांगा यत्ता सातवेंत शिकता. ’काविता ट्रस्ट मंगलोर’ वतीन आयोजीत राष्ट्रीय पांवड्यार काव्यवाचन सर्तींतूय तांणी इनामां मेळयल्यांत. तशेंच राज्य पांवड्यावेले गीत गायन सर्तींतूय ताका इनामां फावो जाल्यांत.
ताच्या सादरीकरणाची पुणेकरांनी तोखणाय केल्या. शारदा कला मंदिराचे प्रभारी अरुण पाटील आनी सर्वोदयचे मुख्याध्यापक एकनाथ नायक हांणी अयानच्या ह्या येसा विशीं तोखणाय केली आनी फुडाराक ताका येस मेळचे खातीर परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
