भांगरभूंय | प्रतिनिधी
भांगरभूंय । प्रतिनिधी
फोंडेंः गोंयांत जावपी 37व्या राष्ट्रीय खेळां सर्तीतलो तलवारबाजी, नेमबाजी, पेंवपाच्यो आनी धांवपाच्यो सर्ती कुर्टी- फोंडें हांगच्या खेळां संकुलांत जातल्यो. तातूंत सुमार एक हजार सर्तक वांटो घेतले असो अदमास आसा. सर्ती खातीर खेळां संकुल तयार करपाचें काम फाटल्या कांय दिसां सावन सुरू आसा. अधिकारी सध्या कामाचेर निमाणो हात फिरयतना दिसतात.
राष्ट्रीय खेळां खातीर संकुल सुसज्ज करपा खातीर 13 ऑक्टोबराच्यान तें थळाव्यां खातीर बंद केलां. फोंड्याचो उपअधिक्षक आशिश शिरोडकार आनी निरीक्षक तुषार लोटलीकार संकुलाचे सुरक्षा वेवस्थे विशीं तयारी करतात. खेळां संकुलांत जाय थंय रंग काडपाचे काम सुरू आसा. फाटल्या कांय दिसां सावन पावस पडटा ताका लागून रंग कामांत आडमेळे येवपाक लागल्यात. नोडल अधिकारी नीलेश नायक, दीपक लोटलीकार हें अभियंते आनी हेर अधिकारी प्रत्यक्ष हाजीर रावन काम करून घेतात.
कुर्टीच्या खेळां संकुलांत पयलेच फावट व्हडल्यो सर्ती जातल्यो. सर्तींत वांटो घेवपी खेळगड्यांची गैरसोय जावची न्हय हाचे कडेन लक्ष दितात. हे खेळगड्यांच्या रावपाची वेवस्था संकुल वाठारांतल्या हॉटेलांन करतले अशी म्हायती कांय अधिकाऱ्यांनी दिली. 20 ऑक्टोबर मेरन पुराय संकुल राष्ट्रीय खेळां खातीर तयार जातलें अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
