भांगरभूंय | प्रतिनिधी
भांगरभूंय । प्रतिनिधी
म्हापशेंः नवी दिल्लींत तालकोटरा खेळां संकुलांत जाल्ल्या राष्ट्रीय कीक बॉक्सिंग चॅम्पियन सर्तींत गोंयच्या पंगडाक पयले इनाम मेळिल्ल्याची म्हायती मार्शल आर्ट अकादमीचो अध्यक्ष हुसेन मुल्ला हाणे दिली. तांच्या वांगडा सचीव लिबी मेंडोसा, पंगड वेवस्थापक अन्सार शिलेदार, रुप्या पदक मेळोवन सचीन माने आशिल्लो.
गोंयच्या सर्तकांनी जिखल्ले करंड मुख्यमंत्री डॉ प्रमोद सावंत आनी खेळां मंत्री गोविंद गावडे आनी खेळां संचालनातयाचे सुवादीन केल्या, गोंयच्या पंगडाक हे राष्ट्रीय सर्तींत पयलेच फावट येस मेळ्ळां अशें हुसेन मुल्लान सांगलें.
सर्तींत अहमद मुल्ला, एरोय कांबळी, अफिया सायकलगार, गौरंह हरिजन, कौशल साखळकार आनी अपमान मुल्लान भांगरा पदकां मेळयली. सांची चव्हाण, खुशी साखळकार, अनास खान, असाद पटले, साईजीत राठोड, सुप्रियान सागिलगदार, सैब मुल्ला, आफिक सैयद हांणी रुप्या पदकां मेळयली. सचीन मान हो गोंय पंगडाचो हिरो थारलो. सर्तींत गोंयच्या वट्ट 47 सर्तकांनी वांटो घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
