भांगरभूंय | प्रतिनिधी
पणजी ः ‘राष्ट्रमत’ चे संपादक आनी लेखक चंद्रकांत केणी हांची जयंती 26 नोव्हेंबराक मनयतले. अंदूंचे कार्यावळीक केणी हांचे इश्ट, आदले केंद्रीय मंत्री सुरेश प्रभु मुखेल सोयरे म्हूण हाजीर आसतले.
अंदूं ही कार्यावळ पणजे जातली. सरस्वती मंदिराच्या तिसरे माळयेर आशिल्ल्या फोमेंतो सभाघरांत मंगळारा सांजवेळार ४.३० वरांचेर ही कार्यावळ जातली. हे कार्यावळींत चंद्रकांत केणी पत्रकारिता पुरस्कार भेटयतले. हो पुरस्कार दरवर्सा चंद्रकांत केणी हांचे विचारसरणेक कटिबद्ध आशिल्ल्या पत्रकाराक दितात. हाचे आदीं उदय भेंब्रे, सुरेश वाळवे, प्रमोद प्रभुगांवकार हांकां हो पुरस्कार फावो जाला.
अंदूंच्या पुरस्काराची घोशणी रोखडेच करतले, अशें समितीचे कार्यवाह पत्रकार सुरेश वाळवे हांणी सांगलें. चंद्रकांत केणी हांचे वांगडा पत्रकारितेचो अभ्यास केल्ले पत्रकार एकठांय येवन हो पुरस्कार दितात आनी ही कार्यावळ आयोजीत करतात. हे कार्यावळीक केणी हांचे कुटुंब हाजीर आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
