भांगरभूंय | प्रतिनिधी
नवी दिल्ली, खबरां संस्था ः राष्ट्रपती द्रौपदी मुर्मू हांणी आयज बिरेस्तारा राष्ट्रपती भवनांत ‘प्रधानमंत्री राष्ट्रीय बाल पुरस्कार’ दिवन 17 भुरग्यांचो भोवमान केलो. ह्या भुरग्यांक तांच्या अद्भुत कुशळटाय आनी धैर्या खातीर हो पुरस्कार फावो जालो. ह्या पुरस्कारा खातीर 14 राज्यां आनी केंद्रशासित प्रदेशांतले 7 चले आनी 10 चलयां सयत वट्ट 17 भुरग्यांची निवड जाली. हो पुरस्कार कला-संस्कृताय, शौर्य, नवोपक्रम, शिक्षण, समाजीक वावर, खेळ आनी पर्यावरण अशा सात मळार हो पुरस्कार दितात. आतां हांतूत विज्ञान आनी तंत्रगिन्यानाचोय आस्पाव केलां. भुरग्यांची उर्बा वाडोवपा खातीर हो पुरस्कार दिवपाक सुरू केलां.
वेगवेगळ्या मळार बरी कामगिरी केल्ल्या भुरग्यांचो भोवमान करपाच्या हेतान केंद्र सरकारान बायलां आनी भुरगीं उदरगत मंत्रालयान 1996 वर्सा प्रधानमंत्री राष्ट्रीय बाल पुरस्कार सुरू केल्लो. 1996 वर्सा सावन पुरस्कार मेळिल्ली भुरगीं प्रजासत्ताक दिसाचे परेडांत वांटो घेतात.
प्रधानमंत्री राष्ट्रीय बाल पुरस्कारा खातीर बायलां आनी भुरगीं उदरगत मंत्रालय भुरग्यांची निवड करता. ज्या भुरग्यांची पिराय 5 वर्सां परस चड आनी 18 वर्सां परस उणी आसता तांकां हें पुस्कार फावो जाता. जे भारताचे नागरीक आसून तें देशांत रावतात तांकां हो पुरस्कार दिवंक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
