भांगरभूंय | प्रतिनिधी
सफर करपी डाॅ. कलामा उपरांत दुसरी राष्ट्रपती
पणजी : राष्ट्रपती द्रौपदी मुर्मू हांणी कारवारा नौदळाच्या तळाचेर पाणबुडयेंतल्यान (सबमरीन बोट) सफर केली. भारतीय नौदळाच्या कलवरी बनावटीच्या आयएनएस वग्शीर पाणबुडयेंतल्यान नौदळाचे मुखेली ऍडमीरल दिनेश त्रिपाटी हांचे सयत राष्ट्रपतींनी ही सफर केली.
हाचे पयली आदले राष्ट्रपती ए पी जे अब्दुल कलाम हांणी नौदळ तळाचेर पाणबुडींतल्यान सफर केल्ली. हाका लागून नौदळाच्या जवानां सयत पाणबुडयेंतल्यान सफर करपी द्रौपदी मुर्मु ह्यो दुसर्यो राष्ट्रपती थारल्यो.
राष्ट्रपती मुर्मु शेनवारा गोंयांत आयल्यो. आयतारा सकाळीं आयएनएस हंसा (वास्को) तळाचेर तांणी नौदळाच्या जवानां कडल्यान मानवंदनेचो स्वीकार केलो. उपरांत कारवारा नौदळ तळाक भेट दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
