भांगरभूंय | प्रतिनिधी
रायपूर, खबरां संस्था: रायपुराक जाल्ल्या भिरांकूळ रस्तो अपघातांत १३ जाणांक मरण आयलें. एके खाजगी कार्यावळीच्यान परतपी कुटुंबाच्या माझदा वाहनाक ट्रेलरान धपको दिल्ल्यान हो अपघात घडलो. आयतारा रातीं उसरां जाल्ल्या ह्या अपघातांत जायत्यो बायलो आनी भुरगीं गंभीर जखम जालीं. मरण आयिल्ल्यांचो आंकडो वाडपाची शक्यताय आसा.
हे विशीं मेळिल्ले म्हायती प्रमाण, खारोराच्या बाणा गांवांत छठी कार्यावळींतल्यान परततना बांगोली हांगा हो अपघात जालो. चातोदाक वतना, माझदा गाडी रायपूरच्यान येवपी ट्रेलराक आपखली. एका वर्सा सकयल्या भुरग्यां सयत सुमार ५० लोक जखमी जाल्यात. जखमी जाल्ल्या कांय जाणांनी स्थित गंभीर आसा.
रायपूरचे पुलीस अधीक्षक उम्मेद सिंह हांणी हे घडणुके विशीं सांगलें, एक ट्रक चौथिया छट्टी हांगच्यान एके कार्यावळींतल्यान परततना हो अपघात घडलो. मजगतीं, आयतारा रातीं १२.१५ वरांचेर हो अपघात जाल्ल्याची म्हायती मेळ्ळ्या. चटौड गांवांतले थळावे लग्न सुवाळो करून स्वराज माझदा गाडयेन परततना हो अपघात घडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
