भांगरभूंय | प्रतिनिधी
अयोध्या, खबरां संस्था: उत्तर प्रदेशांतल्या अयोध्येच्या राम मंदिराचे मुखेल पुजारी आचार्य सत्येंद्र दास (८५) आयज अंतरले. ब्रेन हॅमरेज जाले उपरांत तांचेर लखनौच्या हाॅस्पिटलांत उपचार चलताले,
हॉस्पिटलान जारी केल्ल्या रिपोर्टांत म्हणलां, सतेंद्र दास हांणी आयज निमाणो स्वास घेतलो. ३ फेब्रुवारीक तांकां स्ट्रोक आयले उपरांत गंभीर अवस्थेंत न्यूरोलॉजी वॉर्डच्या एचडीयूंत दाखल केल्ले. ‘ब्रेन स्ट्रोक’लागून संजय गांधी पोस्ट ग्रॅज्युएट इन्स्टिट्यूट ऑफ मेडिकल सायन्सेसांत तांकां दाखल केल्ले. एसजीपीजीआयन एका निवेदनांत म्हणलां, ‘श्री सत्येंद्र दास हांकां आरीच झटको आयिल्लो. तांकां गोडे मुताचें आनी उच्च रक्तदाबाचो त्रास आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
