भांगरभूंय | प्रतिनिधी
पणजी: करंजाळे वाठारांत समाजीक कार्यकर्ते रामा काणकोणकार हांचेर हालींच कांय जाणांनी येवन हल्लो केलो. ह्या प्रकरणांत पुलिसांनी १४ दुबावितांची चवकशी केली. तांतल्या ११ जाणांक भारतीय न्याय संहितेच्या कलम १२६/१७० खाला प्रतिबंधात्मक अटक केल्ल्यान, तांकां उपजिल्लोधिकार्यां मुखार हाजीर करतले. ह्या इकरा जाणांचो सरळ हल्ल्यांत वाटो जरी ना तरी तांकां फुडाराक कसलोय गुन्यांव करपा पसून आडावपाक ही प्रतिबंधात्मक कारवाय केल्ल्याचें पुलिसांनी सांगलें.
ह्या प्रकरणांत आगशी पुलीस स्टेशनाचे हद्दींत अटक केल्ल्या दुबावितां मदीं परशुराम शंकर लमाणी (२९, रा. करमळी), श्रीधर शंकर लमाणी (२५, रा. करमळी) आनी अँथनी जोस गोन्साल्विस (रा. गोवा वेल्हा) हांचो आसपाव आसा.
तशेंच पोरणें गोंय पुलीस स्टेशनांतल्यान जोसेफ वर्गीस नाडर, अनिल रतनसिंग चव्हाण, प्रसाद वासुदेव शर्मा, विपुल महादेव फोलकार, डेविड मायकल अरावजो, लतीफ सुलेमान तवई, सॅम्युअल सुरेश सिद्दी आनी आकाश दिलीप वायंगणकार अशा आठ जणांक अटक केल्या. ह्या प्रकरणाचो फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
