भांगरभूंय | प्रतिनिधी
रामाचे बायलेन केली पुलीस महासंचालकांकडेन मागणी
पणजी : रामा काणकोणकरावेल्या हल्ल्याचो तपास योग्य मार्गान जायना. हाका लागून तपास एक तर गुन्यांव फांट्या कडेन दिवचो वा उच्च न्यायालयाच्या निवृत्त न्यायाधीशा वरवीं तो जावचो, अशी मागणी रामाची बायल रती काणकोणकार हिणें पुलीस महासंचालकां कडेन केलीे. रामान दिल्लो जबाब उक्तो कसो केलो? जबाब उक्तो केल्ले खातीर तिणें पणजी पुलीस निरीक्षका आड कागाळ केल्या.
मास्टरमायंड वा खंयच्याय मंत्र्याचें नांव घेवपाक मात तिणें न्हयकार दिलो. समाजीक कार्यकर्ते रामा काणकोणकार हांचेर 18 सप्टेंबराक करंजाळे जिवघेणो हल्लो जाल्लो. तांचेर सध्या गोंय वैजकी महाविद्यालय हॉस्पिटलांत उपचार सुरू आसात. हल्ल्या प्रकरणांत पुलिसांनी दुबावितांक अटक केली.
मजगतीं, रामा काणकोणकार हिची आवय रती काणकोणकार हिणें आयज दनपरां पुलीस महासंचालक आलोक कुमार हांची भेट घेतली.
रामा काणकोणकार हांणी दिल्लो जबाब गुपीत उरूंक जाय आशिल्लो. तो उक्तो केलो. हाका लागून पणजी पुलीस निरीक्षकां आड हांवें कागाळ केल्या. तपास योग्य मार्गान जाता. तपास एक तर गुन्यांव फांट्या कडेन दिवचो वा उच्च न्यायालयाच्या निवृत्त न्यायाधीशा वरवीं तो जावचो. तपासाची म्हायती पुलीस अधिक्षकांनी वेळार माध्यमांक दिवची, अशें रती काणकोणकार हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
