भांगरभूंय | प्रतिनिधी
भांगरभूंय । प्रतिनिधी
फोंडेंः म्हाड्डोळ वाठारांत रान दुकराचो कास करून ताच्या मासांची येरादारी करतना राना खात्याच्या अधिकाऱ्यांनी 9 जाणांक अटक केली. खुशाली गावडे (38), शशिकांत कुंकळ्ळेकार (57), अमीत गुंगी (28), प्रकाश कोठरकार (49), रामचंद्र गावडे (58), रश्मीश कुंकळ्ळेकार (34), दीपक मोची (24), साजन भंडारी (32) आनी जय नायक अशीं तांची नांवां आसात.
अटक केल्ल्यां कडच्यान एक डस्टर गाडी. एक ओम्नी, दोन स्कूटरी जप्त केल्यात. तांकां न्यायालयांत उबें केलें तेन्ना तांका जामिनाचेर सोडलें.
म्हाड्डोळा बिरेस्तार रातीं रान दुकराचो कास केल्ल्याची म्हायती राना खात्याच्य अधिकाऱ्यांक मेळल्ली. तांणी थंय वचून पळोवणी केली तेन्ना त्या दुकराचें मांस आशिल्ली चार वाहनां दिसलीं. अटक केल्ल्यांक ताब्यांत घेवंन चवकशी केल्या उपरांत तांकां अटक केली. शुक्राराक दनपारां तांका जामिनाचेर सोडलें.
उत्तर गोंयचे उपरानपाल जीस वर्की हाच्या मार्गदर्शना खाला फोंडें रान विभागाचो अधिकारी दीपक तांडेल, विश्वास चोडणकार, संदेश घस्ती, प्रमोद मळीक, दिनेश च्यारी आनी हेर कर्मचाऱ्यांनी हे कारवायेंत वांटो घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
