भांगरभूंय | प्रतिनिधी
पुनवेक सगली सुकणीं सावजां आयलीं. बरोच बोवाळ जालो. माकडान सगळ्यांक चूप केलीं
” ओगी रावात.कोण कितें उलयता तें कळना. तुमच्या मुखेल्याक उलोवंक मुखार आपयात”.
वटवागुळ मुखार आयलें …उलोवचे आदींच तोंड वांकडें केलें.
“आगो कितें जालां?” सांग मगो.
मनशांनी आमचेर आरोप केला, आमी म्हामारी केल्या खंय. ताका भोवच राग आयिल्लो. माकडान मदींच तोंड घालें. तुका कितें दिसता तें सांग. उपाय सोंदुया.
“ह्या मनशांनी आमचेर प्रयोग केल्यात. हो आमचो गुन्यांव!”? वटवागुळ उलयलें. माकडाचो व्हडलो भाव उबो रावलो. म्हाकाय उलोवपाचें आसा.
उलय, उलय म्हणलें माकडान.
“दोन दीस आदीं मनशानीं येवन पिकनीक कितें केली. धुमाकूळ घालो. तोरां पाडलीं, आंबे खाले, आडसरां चांचांयली, झरीचें उदक पिले, न्हाले. मजा केली. पूण वतना कितें केलें सांगात.”
” कितें चिखोल वडोवन गेले?” रायनान विचारलें.
चिखोलच न्हय, प्लास्टीकाच्यो रित्यो बाटल्यो वडोवन गेले.
शे…शे अशे कशे करतात हे मनीस? माकडान म्हणलें. बुदवंत म्हणटात …हे अशे वागतात. इतलेंच न्हय कांय प्लास्टीकाच्यो बाटल्यो सुकें तण कितें कितें एकठांय करुंन उजो घालून गेले. फाटल्यान रांनांत लागत म्हणपाचें चिंतप ना….दुसऱ्या माकडान म्हणलें.
“अशें कितें” सगळेच आड्डले. रानां सांबाळपाक जाय, न्हय!! चानयेन शेपटी फुलयत उडकी माल्ली, घुगमान दोळे मोटे केले, वासवेलान दांत भायर काडले, सगळीं जाणां मनीसजातीक हांसलीं.
” विटयतात हीं मनशां”!!! तरी आमी कितेंय तरी करुंया.
” हय, हय”
रायन, रमेश, प्रणव, शायना मदींच एकामेकां कडेन कुचुकुचु करुन उलोवंक लागलीं.
कितें जालें? बावलेन विचारलें तुमकां कितें उलोवचें आसा?
हय…रायनान म्हणलें.
म्हाकाय सांगपाचें आसा… शायनान म्हणलें.
उलयात तुमकांय सांगपाचें आसा तें सांगात. हो संवसार, हें मळब, हें चान्ने, भाटां, रानां, हीं माती हें सगलें दर एकट्याचें. हांगा वांटे ना…बावलेन म्हणलें.
आमच्या घरातच प्लास्टीकाच्यो बाटल्यो, डबे, टिफीन, बॉक्सां…खूब आसात…..रायनान सांगलें.
” मम्मा प्लास्टीकाच्या बाटलेंत उदक दिता” प्रणवान म्हणलें.
“प्लास्टीकाच्यो पोतयो भल्ल्यात आमगेर” रेवान म्हणलें.
आज तुमी सांगलें तें बरें केलें बावली उबी रावली. सगळी भुरगीं उबी रावली.
हाजेर उपाय आमीच सोदुया.. बावली उलयली.
खरेंच उपाय आसा? खरेंच? म्हणलें भुरग्यांनी. पूण ह्या दिसांनी आमी आकाशदिवे करतात. फोली, रंग, कोंड्या बडयो तासल्यात. दिवाळेची मजा करुंया.
दिवाळेची सगळ्यांक परबीं…. हुनहुनीत परबीं…परत मेळुया.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
