भांगरभूंय | प्रतिनिधी
पणजी : गोंय राज्य सहकारी बँकेच्या संचालक मंडळाचे वेंचणुकेंत सरकार समर्थक उमेदवारूच वेंचून आयले. भोवसंख्य गटांत सरकार समर्थक उमेदवार जैतिवंत जाले. आदले मंत्री प्रकाश वेळीप हे हारले. गिरायक सहकारी संस्था गटांत श्रीकांत नायक हांणी तांका हारयलें. म्हयन्या भरांत अध्यक्षांची निवड जातली. सरकाराक फाटबळ करपी चडशे उमेदवार जैतिवंत जाले. नव्या संचालकांचे बसकेंत अध्यक्षपदाचो उमेदवार थारतलो, अशी म्हायती जैतिवंत थारिल्ले विनायक नार्वेकार हांणी दिली.
गोंय राज्य सहकारी बँकेच्या संचालक मंडळा खातीर आयतारा वेंचणूक जाली. आयज फोंडेंच्या सहकार भवन इमारतींत मतांची मेजणी जाली. श्रीपाद परब, प्रभाकर गांवकार हांचे सयत चार संचालक ह्यान पयलींच विरोधा बगर वेंचून आयिल्ले.
संचालक मंडळाच्या वेंचणुकेंतले जैतिवंक उमेदवार :
कृष्णा कुडणेकार, विठ्ठल वेर्णेंकार, विनायक नार्वेंकार (सेवा सहकारी संस्था गट)
प्रिया टांकसाळी, शाबा देसाय (पगारदार सेवा सहकारी संस्था)
श्रीकांत नायक (गिरायक सहकारी संस्था गट)
विजयकांत गांवकार (दुग्ध सहकारी संस्था)
दादी नायक (गृहनिर्माण संस्था गट)
पांडुरंग कुर्टीकार (सर्वसामान्य व्यक्तीगत गट)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
