भांगरभूंय | प्रतिनिधी
पणजी: खेळां आनी युवा वेव्हार संचालनालयान २०२३-२४ आनी २०२४-२५ वर्सांच्या राज्य युवा पुरस्कारां खातीर अर्ज करपाची मुजत १५ डिसेंबर २०२५ मेरेन वाडयल्या. युवा उदरगतीच्या मळार तोखणायेची सेवा करपी सक्रीय आनी क्रियाशील व्यक्ती आनी आपवावूरपी संघटनां, महाविद्यालयां, युवा क्लब आनी बिगर सरकारी संघटनां कडल्यान अर्ज मागयल्यात.
वयक्तीक पुरस्कारा खातीर १५ ते २९ वर्सां पिराये मदले युवक अर्ज करपाक पात्र आसात. अर्ज नमुनो, पात्रतायेचे नेम आनी अटी आनी हेर म्हायती खेळ आनी युवा वेव्हार संचालनालयाचे www.dsya.goa.gov.in हे वेबसायटीचेर अपलोड केल्या. इत्सूक तरणाट्यांनी ते डावनलोड करून घेवपाक जाता.
पात्र युवक, आपवावूरपी संस्था आनी हेरांनी पुराय भरिल्ले अर्ज केल्ले सेवेचें प्रमाणपत्र आनी दाखल्या सयत ता. १५ डिसेंबर २०२५ मेरेन खेळां आनी युवा वेव्हार संचालनालय, कांपाल पणजी हांगा सुपुर्द करचे. अदीक म्हायती खातीर एपीईओ पांडुरंग नायक, मो. नं. ८८३०६८१५८८ हांचे कडेन संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
