भांगरभूंय | प्रतिनिधी
भांगरभूंय । प्रतिनिधी
सावयवेरेंः केरी- फोडें हांगच्या सुरश्री केसरबाई केरकार विद्यालयान आयोजीत केल्ले रस्तो नाट्य सर्तींत वळवयच्या केआरएसएस हायस्कूल पंगडान पलयो नंबर मेळयलो. अदूं शिक्षण, शिक्षक आनी विद्यार्थी ह्या विशयाचेर आदारीत ही सर्त विद्यालयाच्या मैदानार जाली. दुसरो नंबर मडगांवच्या महिला आनी नूतन हायस्कुलाक आनी तिसरो नंबर लेडी ऑफ दिवाडीक आनी बालभारती हायस्कूल आनी दादा वैद्य हायस्कूल- कुर्टी हांका उमेद वाडोवपी इनामां दिलीं.
सर्तीचें उक्तावण कला आनी संस्कृती खात्याचो संचालक सगुण वेळीप, केरीची सरपंच तृप्ती नायक, सेंत्रो ेदुकादोर संस्थेचो अध्यक्ष विजयकुमार कामत आनी प्रभारी मुख्याध्यापिका थलिमा हळर्णकाराचे हाजेरेंत जालें. पुलीस अधिकारी अमृत वळवयकार, राजकिशोर च्यारी, गणेश गुंजीकार, लक्ष्मण गावडे, बिंदेश म्हार्दोळकार, श्रेया खांडेपारकार हाचो भोवमान केलो.
इनाम भेटवण कार्यावळीक महेंद्र शिरोडकार मुखेल सोयरो म्हणून हाजीर आशिल्लो. थलिमा हळर्णकारान येवकार दिलो. सूत्रसंचालन प्रविरा साखरदांडेन केलें. उपकार गौतम गावडेन मानले, सोयऱ्यांची वळख तेजस्वी बर्वेन करून दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
