भांगरभूंय | प्रतिनिधी
भांगरभूंय । खबरां मेज
पणजीः संवसारीक बायल दिसा निमतान राज्य दिव्यांक आयोगा वतीन दिव्यांक रक्षा डांगी हिका मोटराचेर चलपी व्हीलचॅर भेटयली. गिरी हांगच्या रक्षाक फाटीच्या मणक्याची समस्या आशिल्ल्यान तें चलपाक शकना, राज्याचे दिव्यांग आयुक्त गुरुप्रसाद पावसकार हांणी साळगांवचो आमदार केदार नायक हाचे उपस्थितींत ताका ही व्हीलचॅर दिली.
रक्षा डांगीक ही व्हीलचॅर भेटयतना आमकां खोशी जाता. मोटराचेर चलपी हे व्हीलचॅरीक लागून ते घरांत आनी घरा भायर सोपेपणान वावुरपाक शकतलें अशें गुरुप्रसाद पावसकारान ह्या वेळार सांगलें. कांय सप्तकां पयलीं पावसकार हाणे रक्षाच्य घरा वचून ताची भेट घेतल्ली. तेन्ना तिचे आवयन आपले चलयेक मेकळेपणान फिरपाक मेळचें हे खातीर व्हीलचॅर मेळ्यार बरें जातलें अशें सांगल्लें.
दिव्यांक व्यक्तीक दिव्यांत आयुक्तान व्हीलचॅर भेट दिल्ले खातीर साळगांव मतदारसंघाचो आमदार केदार नायक हाणे रक्षा डांगीक फावो ती मजत करपाचें आस्वासन दिलें.
2018 वर्सा जाल्ल्या अपघातांत रक्षा डांगी हिच्या फाटीच्या मणक्याक दुखापत जाल्ली. तेन्ना सावन तागेल्या कमरे सकयल्ल्या आंगाची हालचाल करप ताका शक्य जायना. अपघाता उपरांत रक्षान आपलें पदवी शिक्षण पुराय केलें आनी आतां तें घरांतल्यान काम करता. मोटरीचेर चलपी व्हीलचॅरीची आपल्याक भेट दिल्ले खातीर तें सामकें खोशी जालें. ही व्हीलचॅर दिल्ले खाती तिणे राज्य दिव्यांक आयोगाचे मनासावन उपकार मानल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
