भांगरभूंय | प्रतिनिधी
संरक्षणमंत्री राजनाथ सिंहा सयत राष्ट्रीय अध्यक्ष नड्डा हांचीय घेतली भेट
पणजी : मुख्यमंत्री डॉ. प्रमोद सावंत हांणी दिल्लीं प्रधानमंत्री नरेंद्र मोदी हांची भेट घेवन राज्याचे उदरगती विशीं चर्चा केली. गोवा सरकारच्या विवीध उपक्रमांची म्हायती दितना राज्याचे उदरगती विशीं पंतप्रधानाचें मोलादीक मार्गदर्शन घेतलें, अशी म्हायती मुख्यमंत्र्यांनी व्टिट करून दिली.
प्रधानमंत्री नरेंद्र मोदी हांची भेट घेवचे पयलीं मुख्यमंत्र्यान संरक्षणमंत्री राजनाथ सिंह आनी पक्षाचे राष्ट्रीय अध्यक्ष जे. पी. नड्डा हांची भेट घेतली. बुधवारा दिल्लीक गेल्ले मुख्यमंत्री डॉ. सावंत आयज बिरेस्तारा रातचे राज्यांत परततले अशी म्हायती सुत्रांनी दिली. केंद्रीय भलायकी मंत्री जे. पी. नड्डा हांचे भेटी वेळार भाजप प्रदेश अध्यक्ष दामू नायक लेगीत हजर आशिल्ले. गोंयचे उदरगती खातीर केंद्राच्या फाटबळा विशीं हांवें प्रधानमंत्र्यांचे उपकार मानले. फुडाराक उदरगतीची गती वाडोवपा खातीर प्रधानमंत्र्यांचें मार्गदर्शनूय घेतलें, अशी म्हायती डॉ. सावंत हांणी ट्वीट करून दिल्या.
संघटना घटमूट करपा वांगडा संघटन पर्वा विशीं श्री. नड्डा हांचे कडेन चर्चा जाली. बुधवारा मुख्यमंत्र्यांन दिल्लींत केंद्रीय गृहमंत्री अमित शाह, केंद्रीय अर्थमंत्री निर्मला सीतारामन आनी केंद्रीय पर्यावरण आनी वनमंत्री भुपेंद्र यादव हांची भेट घेवन विवीध विशयांचेर चर्चा केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
