भांगरभूंय | प्रतिनिधी
पणजीः राज्यांत संरक्षण मंत्रालयाच्या ९ एकर सुवातेंत अतिक्रमणां जाल्यांत वा खटले ह्या सुवातांचेर चलतात. जर एखादी सुवात संपादन करपाची इत्सा संरक्षण मंत्रालय उक्तायता तेन्ना त्या जमीन धनयांक फावो तें लुकसाण भरपाय मेळटली हे मंत्रालय सुनिश्चीत करता, अशी म्हायती केंद्रीय संरक्षण राज्य मंत्री संजय सेठ हांणी लोकसभेंत दिल्या.
लेखी जाप दितना सेठ हांणी म्हणलें, संरक्षण सुवातींचो फकत बोना फायड सैन उद्देशां खातीर आनी सशस्त्र दळाच्या रणनैतीक, कार्यकारी आनी संरक्षण गरजां खातीर वापर करतात. ज्यो सुवातो रित्यो दिसतात तांचो वापर प्रशिक्षण, सैन्याचें जमवाजमव पध्दती, लग्न जाल्ल्या सैन्या खातीर रावपाची सुवातेचें बांदकाम आनी हेर गजाली खातीर जाता.
गोंय राज्यांत ५ एकर संरक्षण मंत्रालयाच्या सुवातीचेर अतिक्रमण जालें जाल्यार उरिल्ले ९ एकर सुवातीचेर जाल्लें अतिक्रमण आनी दाव्यांचेर कायदेशीर खटले चालू आसात.
संरक्षण मंत्रालयान हे सुवातेचें विश्लेषण करूंक ना. मात जेन्ना संरक्षण मंत्रालय खाजगी सुवातो संपादीत करता तेन्ना कायद्या प्रमाण योग्य ती लुकसान भरपाय आनी स्थलांतरण पॅकेज जमीन धनयांक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
