भांगरभूंय | प्रतिनिधी
पणजी: राज्यांतल्या तापमानांत वाड कायम आसा. सोमारा २४ वरांनी पणजे ३७ अंश सेल्सिअस तापमान नोंद जालो. फुडले पांच दीस राज्यांतलो चडांत चड तापमान ३६ ते ३७ अंश सेल्सिअस मजगतीं उरपाची शक्यताय उक्तायल्या. मात फाटल्या कांय दिसां सावन सकाळच्या वेळार गांवांनी तशेंच शारांनूय धुकें पातळिल्लें पळोवपाक मेळटा. हाका लागून गोंयभर सकाळीं थंडाय जाणवता.
हवामान खात्यान मार्च ते मे मजगतीं देशांतलो चडांत चड आनी उण्यांत उणो तापमान आनी पावसाचो अदमास जारी केला. ते प्रमाण मार्च ते मे ह्या तीन म्हयन्यांच्या काळांत गोंयचो चडांत चड तापमान सरासरी चड आसतलो अशी शक्यताय आसा. मजगतीं राज्यांत सरासरी परस चड पावसाची शक्यताय आसा.
हंगामी पिकांचेर परिणाम?
सकाळच्या वेळार पडपी धुकें आनी दंवाक लागून आंबो, काजू पिकांचेर परिणाम जावपाची शक्यताय बागायदारांनी उक्तायल्या. धुकें आनी दंव असोच पडत रावल्यार फळांचेर दाग पडून कीडूय पडपाचो भंय बागायतदारांनी उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
