भांगरभूंय | प्रतिनिधी
पणजी : फाटल्या कांय दिसां सावन राज्यांत शीं वाडत आसा. गांवगिर्या वाठारांत शीं अदीक जाणवता. शुक्रारा पणजे २०२५ वर्साचें उण्यांत उणें १७.५ अंश सेल्सिअस तापमानाची नोंद जाली. मुरगांवां उण्यांत उणें तापमान १८.६ अंश सेल्सिअस आसलें.
फुडले स दीस राज्यांतलें उण्यांत उणें तापमान १९ ते २० अंश सेल्सिअस मेरेन पावपाची शक्यता आसा. हाचे मजगतीं सकाळीं मध्यम स्वरूपाचें धुके पडपाची शक्यताय आसा.
सध्या राज्यांत रातचें आनी सकाळीं बरेंच शीं जाणवता. सकाळचें खुबश्या सुवातांचेर दंव पडटा. तशेंच सकाळीं शींया सयर थंड वारें मारता. अशें जरी आसलें तरी दनपरां वताची खरसाण वाडटा. शुक्रारा पणजे ३३.८ अंश जाल्यार मुरगांवांय ३३.८ अंश सेल्सिअस उण्यात उण्या तापमानाची नोंद जाली. फुडले स दीस राज्यांतलो उण्यांतलो उणो तापमान ३३ ते ३४ अंश सेल्सिअस मजगती उरपाची शक्यताय आसा.
ह्यान पयलींची डिसेंबर म्हयन्यांतली आकडेवारी पळयल्यार १२ डिसेंबराक १९६५ दिसा पणजे १५.१ अंश सेल्सिअस तापमानाची नोंद जाल्ली. २४ डिसेंबर २०१६ दिसा १७.६ अंश, जाल्यार १९ डिसेंबर २०२१ दिसा १८.४ अंश सेल्सिअस तापमानाची नोंद जाल्ली.
राज्यांत डिसेंबर म्हयन्यांत उण्यांत उणें तापमान साधारपणान २१ ते २२ अंशां मजगतीं आसता. फाटल्या चार दिसांी उण्यंत उणें तापमान सरासरी परस १.५ ते ३.५ अंशान उणें जाता. हयन पयलीं हवामान खात्यान डिसेंबर म्हयन्यांत राज्यांलें उण्यांत उणें तापमान सरासरी परस उणें उरपाची शक्यताय उक्तायताले.
गांवगिर्या वाठारांत शीं अधिक राज्यांतल्या गांवगिर्या वाठारांत शिंयाची तिव्रता अदीक जाणवता. खाजगी हवामान केंद्राचे म्हायती प्रमाण शुक्रारा सुर्ला हांगा पारो १२ अंश सेल्सिअस मेरेन सकयल देंविल्लो. जाल्यार काणकोणां १६ अंश सेल्सिअस तापमानाची नोंद जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
