भांगरभूंय | प्रतिनिधी
पणजी : बंगालच्या उपसागरांत तयार जाल्लो उण्या दाबाचो पट्टो आनी वातावरणाच्या बदलांक लागून राज्यांत
फाल्यां (27 सप्टेंबर) दिसा घोग्यांनी पावस पडपाची शक्यताय आसा. ते प्रमाण हवामान खात्यान फाल्यां खातीर पावसाचो ऑरेंज अलर्ट जारी केला. तशेंच आयज दनपारच्यान पणजे सयत हेर वाठारांनी पावस नेटान कोसळ्ळो.
28 ते 30 सप्टेंबर मजगतीं मध्यम स्वरूपाच्या पावसाची शक्यताय उक्तायत तीन दिसांचो येलो अलर्ट दिला. जाल्यार 1 आनी 2 ऑक्टोबर मजगतीं पावस शिरशिरपाची शक्यताय आसा.
हवामान खात्यान राज्यांत 26 ते 30 सप्टेंबर मजगतीं वार्याचो वरा प्रमाण वेग 40 ते 65 किमी मेरेन पावपाची शक्यताय उक्तायल्या. वयल्या काळांत नुस्तेंमार्यांनी दर्यांत देवचें न्हय असो उलो खात्यान मारला. राज्यांत चोवीस वरांनी सरासरी 9.4 मिमी पावसाची नोंद जाली. मजगतीं फोंड्यां 16.8 मिमी, जाल्यार मुरगांवां 14.6 मिमी पावसाची नोंद जाली.
शुक्रारा पणजे चडांत चड 30.6 अंश आनी उण्यात उणो 23.7 अंश सेल्सिअस तापमानाची नोंद जाली. मुरगांवां चडांत चड तापमान 30.4 अंश आनी उण्यात उणो तापमान 24 अंश सेल्सिअस उरतलो. फुडले स दीस राज्यांत चडांत चड तापमान 29 ते 30 अंश जाल्यार उण्यात उणो तापमान 24 अंश सेल्सिअस मजगतीं उरपाची शक्यता आसा.
राज्यात 1 जून ते 26 सप्टेंबर मजगतीं सरासरी 119.32 इंच पावसाची नोंद जाल्या. अंदूं पावसाचें प्रमाण 2 टक्क्यांनी चड आसा. वयल्या काळांत सांग्यांर 156.92 इंच, धारबांदोड्यां 155.98 इंच, वाळपय 153.83 इंच, केप्यां 142.77 इंच, फोंड्यां 127.87 इंच, सांखळे 123.18 इंच, जाल्यार पेडण्यां 118.17 इंच पावसाची नोंद जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
