भांगरभूंय | प्रतिनिधी
पणजी : कर्नाटक आनी महाराष्ट्रा मजगतीं तयार जाल्ले टर्फ, पुर्वे कडल्यान चलपी वारें आनी हेर वातावरणाच्या बदलाक लागून राज्यांत ३० आनी ३१ मार्च आनी १ एप्रिलाक पावस पडपाची शक्यताय हवामान खात्यान उक्तायली. जाल्यार २९ मार्च मजगतीं राज्यांतलें वातावरण दमट उरपाची शक्यताय आसा.
शेनवारा राज्यांत कांय सुवातांचेर दमट वातावरण आशिल्लेंे. चडांत चड आनी उण्यात उण्या तापमानांत वाड कायम आशिल्ल्यान आंकडो कायम आशिल्लो.
शेनवारा पणजेचें तापमान चडांत चड ३४.६ अंश आनी उण्यांत उणें तापमान २५.४ अंश नोंद जालें. मुरगांवांत चडांत चड तापमान ३४.४ अंश आनी उण्यांत उणें २५.६ अंश उरलें. फुडले स दीस राज्यांत चडांत चड तापमान ३३ ते ३४ अंश आनी उण्यांत उणें तापमान २४ ते २५ अंश सेल्सियस उरपाची शक्यताय हवामान खात्यान उक्तायला. फाटल्या कांय दिसांनी राज्यांतल्या कांय वाठारांनी दमट हवामान आशिल्लें. जाल्यार सत्तरी म्हालांत कांय सुवातींनी वादळी वार्या सयत पावस नोंद जाल्लो.
हाचे आदीं मार्च, एप्रिल आनी मे ह्या तीन म्हयन्यांत गोंयांत चडांत चड आनी उण्यांत उणें तापमान सरासरी परस चड आसतलें असो अदमास खात्यान उक्तायल्लो. ह्या काळांत राज्यांत उश्णतायेची ल्हार येवपाची शक्यताय ना अशें खात्यान स्पश्ट केल्लें. वयल्या काळांत राज्यांत सरासरी वा सरासरी परस मात्सो उणो पावस पडटलो असो अदमास खात्यान केल्लो. हाचे आदीं खात्यान १७ आनी १८ मार्चाक पावस पडपाचो येलो अलर्ट जारी केल्लो. मात पावस पडूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
